跟謝霆鋒正式離婚後，失婚張栢芝事業反而越見暢旺，一口氣連接五部戲穩賺半億，又投資四千萬開製作公司過老闆癮。
栢芝吸金勁，使錢同樣豪。向來有鋪養起娘家癮的她，以往還揹着謝家新抱名銜時，貼外家亦要偷偷摸摸，如今離婚冇王管，栢芝即時放水，月前豪擲千五萬，買入九龍城御豪門一個千呎單位俾阿媽住，重拾孝順女本色。


與霆鋒離婚，有指栢芝只要Lucas和Quintus的撫養權，並要求霆鋒為一對兒子成立教育基金。至於贍養費，栢芝講明一個崩都唔要。冇夫家養的栢芝，手停口停，因此她近半年在內地狂接戲，近日便與盛傳不和的章子怡，在上海拍攝新戲《危險關係》。栢芝雖然人在外地，但貼外家的水喉依然長開長有。

阿媽甩拖買新竇
明知栢芝顧家，娘家吸水手段亦耍家。據知，在兩個月前，栢芝媽與拍拖五年的男友馮國志分手，隨即搬離二人位於西環的愛巢。「栢芝媽今年五月，先至用佢同栢芝聯名嘅公司（Star Lucky Holdings Ltd），喺跑馬地買咗層千七萬嘅樓，間屋一直丟空冇人住，又冇放租，其實栢芝媽可以搬入去住，不過佢就同栢芝講，想搬去九龍，話驚住香港會撞到舊男友。呢個解釋係人都知牽強，不過栢芝就拍心口，話會買層新樓俾阿媽住。」知情人透露。

新屋旺桃花
上月尾（28日），有街坊目睹着超短熱褲加白背心的栢芝媽，與風水師麥玲玲出現在九龍城新落成豪宅御豪門。據知，當日是栢芝媽請麥玲玲為新屋睇風水，並為新屋擇日入伙。周三（12日），本刊致電麥玲玲，她承認為栢芝媽睇樓。「我本身識栢芝媽，嗰日佢叫我幫手望吓間屋啫。佢間屋個海景view好靚，間隔好四正，而且仲好旺桃花，啱晒啲單身男女住。栢芝媽仲將栢芝啲相掛喺廳幅牆度，佢哋兩母女不嬲感情都好好。」

擲六十萬買車
得疏爽阿女帶挈，栢芝媽除了買磚頭保值，向來喜歡揸辣車的她，最近亦換上價值六十萬的新款寶馬3系跑車。上周三（5日），記者目睹栢芝媽揸新車離開新屋，到附近車房洗車。為防工人洗得馬虎，栢芝媽邊吸煙邊企在一旁全程監視。當洗完車後發現車尾仍有污漬，她即督促工人重新再洗一次，可見她對新車極之愛錫。
洗完車後，栢芝媽與同行短髮女友人，到九龍城廣場家品店，為新屋添置家具，其間記者聽到她與友人談及兩個孫仔。「遲啲碧芝要返加拿大，Ceci（指栢芝）話唔放心啲工人，話到時搵我幫手睇住……我咁耐未試過湊細路，驚唔慣，但唔知點推。」栢芝媽有孫唔願湊，難為拉姑喊晒口話幾個月冇得見兩個寶貝孫呀，陰功！

半年吸半億
栢芝向來新聞多多，就算生完兩B及離婚，電影公司仍甘心俾錢佢賺，現時其身價更企硬$1,200萬一部電影，單是今年頭半年，已賺過半億，堪稱港女星之冠。

電影
《楊門女將之軍令如山》 $1,200萬
《無價之寶》 $1,200萬
《影子愛人》 $1,200萬
《河東獅吼2》 $1,200萬
《危險關係》 $1,200萬

嘉　賓
武漢一珠寶店剪綵嘉賓 $300萬
北京富二代婚禮嘉賓 $40萬
湖北「鍾祥長壽文化旅遊節」開幕嘉賓 $300萬
賺$6,640萬

心急短炒
栢芝媽性格向來心急爽直，連投資物業亦短炒居多，持貨數月，不論賺與蝕都會掟貨，跟栢芝性格如出一轍。 ####


兩母女，無計啦！（設計對白）
栢芝離婚後密密接Job，肩負供養娘家責任。知道阿媽甩拖，隨即買樓給她嘆世界。


頻撲拍戲
栢芝近半年經常留在內地拍戲，兩個寶貝仔亦要交由家姐照顧。日前她便到上海，與盛傳不和的章子怡為新戲《危險關係》開工。


位於九龍城沙浦道的御豪門，呎價雖逾萬元，但孝順的栢芝仍闊綽買下一個中層千呎單位給母親。


10月1日掃家品
栢芝媽於本月一日（國慶日）入伙，進駐新居御豪門，連日來記者亦發現她偕同性友人外出買日用品回家。


10月5日新車扮靚
栢芝媽駕着栢芝送的新寶馬到九龍城洗車，但她卻嫌洗車工人唔乾淨，親自監督。


栢芝媽


豪氣隊酒
當晚她偕友人到西環街市熟食檔打邊爐，其間多次企起身互隊威士忌溝水，杯杯清，非常豪氣。


買平煲
栢芝媽雖然有富貴女養，但她買煲也只到九龍城廣場的平價家品店搞掂。


10月9日再筍盤
日前，栢芝媽獨自到寓所附近的地產舖物色其他豪宅，似有意再買磚頭，怕且栢芝又要拍多幾套戲至得。


母女情深
未入謝家前，向來孝順的栢芝經常與母親結伴。如今脫離謝家，有錢梗要第一時間益阿媽。《蘋果日報》圖片


貼錢冇預柏文
栢芝與霆鋒未離婚前，有指栢芝貼錢給細佬柏文（中）開酒吧，亦要瞞住霆鋒用私己錢。可惜，柏文唔爭氣，多次激嬲家姐，因此栢芝如今貼娘家暫時未有預柏文份。


五年情盡
栢芝媽與潮佬馮國志拍拖五年以來，經常十指緊扣出雙入對，如今分手間接令栢芝媽多層樓揸手。


麥玲玲承認日前曾到栢芝媽新屋睇風水，她更指新屋會催旺屋主桃花。似乎對剛甩拖的栢芝媽甚有利。《蘋果日報》圖片



賺$30萬
跑馬地翠景樓頂層單位
5/11年 買入價 $1,770萬
仍持有 現市價 約$1,800萬


蝕$99萬
馬鞍山嵐岸5座高層
8/09年 買入價 $807萬
10/09年 賣出價 $708萬


蝕$13萬
元朗錦繡花園獨立屋
5/09年 買入價 $393萬
2/10年 賣出價 $380萬


賺$55萬
銅鑼灣百德大廈低層單位
12/07年 買入價 $380萬
10/09年 賣出價 $435萬

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄