唔係人人都可以嫁到有錢老公、「腳印印」做少奶奶，但黎瑞恩可以，前英皇小花何嘉莉都可以喎！
年前嘉莉退出樂壇，嫁俾「發記甜品」少東，多年來出席吓時裝活動，同徐濠縈、何超儀等潮人交流吓潮流心得又一day，真係快活過神仙！聽聞佢仲同時裝店Moiselle太子爺陳柏熹合資搞潮店，如無意外出年可以開舖，賺錢買花戴。


呢一日，媽咪姐喺時代廣場Page One買緊書，就撞到嘉莉喺度刨緊一啲設計書嘞。不過以往高瘦身材嘅佢，明顯發福咗！臉仔圓圓、腰枝粗咗、雙腿亦幾好肉地。呢啲都係孕婦嘅標誌，唔通……如果係真嘅話，咁就真係恭喜晒喇！ ####


唱歌嗰陣，何嘉莉走長髮玉女路線，依家就潮剪短髮，但就顯得肥咗嘅佢，圓又圓囉！


當日佢主力刨室內設計書，又忙住講電話，應該係諗緊點裝修間潮舖。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄