查小欣由娛樂記者變身 DJ，可以玩足十五年，估不到轉投電視台，主持節目只捱到一個月便玩完。
探熱針
短命《爆週》 查小欣卸責怪內鬼
無綫人棄我取，接收商台棄將查小欣主持《爆足一周》，播四集鬧足四集，唯有壯士斷臂，成為無綫史上最「短命」綜藝節目！據知，扑槌腰斬前一刻，查小欣不但未有反省，還懷疑有內鬼放料搞針對。
聞到味
《爆足一周》短壽，死因有目共睹！
「大家預咗有料爆，點知全部過唔到法律部嗰關，製作部又冇人孭飛，咪唯有炒舊料，搞到俾人鬧到反艇！」一名無綫友說。
《爆足一周》變《遲足一周》，但余詠珊仍硬撐查小欣。
「皇太后（余詠珊）同班主持講，有人鬧，即係有 noise有人睇，仲落埋場，一齊開會度橋。」
觀眾經遙控器投票結果，第二集收視再插谷底，此後，余詠珊再沒有現身會議；大家已心感不妙。
據知，腰斬令早於上週五（十月二十六日）已經通知查小欣，不過在節目播映前，她只預先通知與他有交情、任職雜誌的翟浩然，其他主持全被蒙在鼓裡。「查小欣覺得節目俾人咁鬧法，係有人存心針對，仲懷疑班主持入面有二五仔。」
最後一集《爆足一周》錄影前，莊思敏還特登在微博向觀眾保證有料爆，想不到最爆的料竟然是連她都不知道的「腰斬」。
為救亡節目，查小欣碌人情咭搵狄波拉幫手，可惜上週五訪問當日，即收到無綫通知，「救亡」變「告別」，認真
無奈。
節目結束前，查小欣突然宣布腰斬消息，除翟浩然（左圖右）預先知道外，其他人完全蒙在鼓裡，一面愕然。
急召蘇民峰
腰斬決定由無綫管理層開會議決，李寶安等更落令立刻度新節目頂替。
「蘇永康嗰集出咗之後，班老細已經覺得好有問題，余詠珊（製作總監）都唔敢再撐落去，上個禮拜已經 call咗蘇民峰做新節目。」
對於查小欣聲稱明年會捲土重來，節目監製 衞世輝不置可否說：「停節目可以好快，但部署新節目就需要時間，暫時仲未知道，大方向都應該偏向娛樂嘅。」
至於被無綫 㩒救命鐘的蘇民峰，亦承認在一個星期前接到無綫通知。
「係之前《食得峰騷》個監製搵我，都好急吓，不過節目內容喺晒我個腦入面，會講十八區風水，嚟緊禮拜五正式開工拍喇！」臨急臨忙吹雞，連拍檔主持仍未有定案，蘇民峰稱暫時會搵上次為收費台拍《民峰學院》班學生頂住先，實行邊走邊唱。
對節目寄望甚殷的無綫製作總監余詠珊（前排右一）、監製 衞世輝（後排右一），敵不過網民圍插，雖向外宣稱明年會重開節目，但成數存疑。
莊思敏早前為撐節目，開腔寸老友梁思浩的節目翻抄舊聞，可惜言猶在耳，《爆足一周》已經冇得再「爆」。
臨危受命的蘇民峰，連拍檔都趕不及找，要找《民峰學院》的學員暫頂，曾經合作的曾華倩也在考慮之列。
絕無僅有
留言列表
{{ article.title }}
