鬥到底

 

五大唱片因版稅問題同無綫冰封兩年多後，最近和解在望，最大得益自然係五大旗下歌手，點知不嬲把口唔收、好有態度嘅環球一哥陳奕迅（Eason），一於話之你，繼續踩入亞視禁地，仲去埋有線台慶記者會，寸嘴Eason仲話：「呢度啲空氣比將軍澳清新！」
Eason唔怕上其他電視台，原來無綫為了省靚《勁歌》總選招牌，據知最近竟向Eason「打招呼」，開出男歌手獎做籌碼，和簽下Eason 15個騷，更放寬Eason在其他電視台亮相，隨時踢走想三連冠嘅古巨基。Eason回巢搞到男歌星獎洗牌，等價交換，好合理噃！

 
近期電視圈挖角潮降溫，無綫同五大唱片亦將破冰，五大唱片願意減收一半版稅，而無綫亦要焗住放生歌手，容許歌手亮相其他電視台，所以近排見到陳奕迅上亞視節目《亞洲星光大道4跳舞吧！》做表演嘉賓，又話會去有線主持節目。

勁敵回歸
Eason回巢仲傾掂年尾有獎攞，古巨基遇着勁敵回歸，呢兩個月要再出招先得！

再踢亞太區男歌手
無綫親生仔林峯有樂易玲錫住，冰封事件呢兩年有得執死雞攞「亞太最受歡迎男歌星獎」，不過Eason返嚟之後，就唔知仲有冇呢支歌仔唱。

王者回歸
貴為樂壇一哥嘅陳奕迅自「五大唱片」同無綫關係決裂後絕跡無綫，連呢兩年無綫《十大勁歌金曲頒獎典禮》都冇份參加，搞到歌神陳奕迅冇獎攞，而無綫親生仔林峯同英皇一哥古巨基各攞「亞太區最受歡迎男歌星」和「最佳男歌星」獎，Eason一個獎都冇。「TVB難得可以同五大傾掂數，當務之急梗係搵番班大牌返嚟撐總選場啦，男歌手自然想Eason攞。最近TVB就同環球講數，希望Eason出年幫TVB拍特輯呀、上大騷，當簽15個騷，但畀佢有權亮相其他電視台！如果Eason肯，點都谷到收視！但女歌手就祖兒無敵，冧莊係實至名歸，因為〈花千樹〉真係hit過晒其他女歌手啲歌，係男歌星就要洗吓牌喇！」知情者說。本刊週日（30日）在活動上追問Eason回巢重奪「勁歌男歌星」獎，他一聽見「五大」問題，就即閃人。呢次古sir有威脅，林峯更加冇覺好瞓囉！

簽騷用到盡
早年Eason間唔中都有幫無綫做節目，曾經做過《一百萬人的故事》（左）、《細說名城》（下）及《現代塵世美》（右）等節目。今次回巢無綫，Eason要拍番15個節目「回報」無綫，睇嚟今次Eason有排做喎。

慘得3點
自五大唱片同無綫冰封後，Eason都冇再喺無綫節目中出現，反而有機會破格上亞視節目，不過Eason魅力起唔到作用，今年4月首次為亞視拍《觸動．陳奕迅》特輯（左）慘收3點；而上週任《亞洲星光》嘉賓（右）亦只得2點。

串星變主角
陳奕迅（Eason）雖然拍戲唔少，但演技一直未獲肯定，不及唱歌方面咁有成就 ，不過早前Eason接拍由《霍元甲》及《血戰新世紀》嘅周隼首次執導嘅《贖命》，戲中夥拍鬼妹（Leslie-Anne Huff），以全英語拍嘅懸疑片，不過今次Eason就配角變主角，開場成四十分鐘先有得出場嘅佢，喺海報中以Eason個大頭嚟做賣點 ，不過唔緊要喇，套戲早前入圍「釜山國際電影節」嘅「新浪潮」獎，Eason今鋪都算係衝出亞洲吖！ ####


Eason每次開親演唱會都例必爆滿，月前喺北京嘅演唱會就連從來唔當演唱會嘉賓嘅王菲都請到，仲喺一個婚宴騷上15分鐘賺1,300萬創天價。


大家鍊過囉！《蘋果日報》圖片


《壹週刊》圖片


《蘋果日報》圖片


旅遊電視畫面


生活《蘋果日報》圖片


電視畫面


《星光》收2點《蘋果日報》圖片


12月1日上映嘅《贖命》係懸疑片，講述有關「來世」嘅嘢，其中一幕就講Eason唔知睇到啲恐怖影像而搞到個人半天吊。


戲中Eason係一個酒保，擁有一個「不完整的靈魂」，因乜事要揸槍？咁要入戲院睇先有答案。


呢個鬼妹姬蒂（Leslie-Anne Huff）係擁有一種奇異能力，仲嚟香港搵Eason一齊追查「來世」。


成張poster淨係得Eason個樣做賣點，註明「亞洲歌神陳奕迅」殺入荷里活之作，其排名亦係眾星中排首位，勁喎！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄