放租物業被公開 蘇永康擬告地產代理 
蘇永康噚日下晝喺ifc買嘢食。
平時喺微博唔活躍嘅蘇永康，噚日喺微博上載咗張相，話自己去咗個人資料私隱專員公署，仲話因為有地產代理未經佢同意，喺地產刊物登咗佢名下物業嘅相，蘇康話本來想大事化小，但有關方面用大話冚大話，冇誠意解決，激到蘇康將件事交畀律師處理，至於佢去咗私隱專員公署，原來係幫港台拍劇。
康仔原本想放租碧瑤灣物業，但俾地產代理搞到佢好頭痕。資料圖片 
康仔噚日喺私隱專員公署拍攝，仲話最近自己嘅私隱唔受尊重。微博圖片 要求更正不果
見蘇康咁嬲，馮仁昭梗係搵佢八吓啦，蘇康喺電話好詳細咁解釋：「我前年買嗰間碧瑤灣樓放租，兩星期前交咗畀三間地產經紀，訂明只租唔賣，只賣文字廣告唔做圖文廣告，點知有地產刊物登咗出嚟，寫明地產代理係利嘉閣，層樓賣1,800萬仲登晒相。我覺得有誤導之嫌，話我賣樓，俾人話我經濟唔掂點算呀？我只係要求利嘉閣登更正、道歉啟事，但佢哋拖完一星期就話冇呢個先例，所以拒絕，我交畀律師處理，如果佢哋唔道歉更正就行動升級，去地產代理監管局投訴。」
另外，噚日上晝拍完劇，蘇康下晝兩點半去咗中環ifc買嘢，好快買完就畀錢走，出嚟見到記者笑笑口話：「扮睇唔到，你哋繼續。」跟住就搭電梯走人。
蘇永康1,500萬物業被睇全相 扯火追究
蘇永康近日為私隱專員公署趕拍《私隱何價》劇集，不料人生如戲，有地產代理涉嫌侵犯其私隱，在未得同意下，公開其物業內櫳相片大賣廣告，「全相」被公開，原本只想將物業放租，亦被寫成有意出售，嬲爆的蘇康決定訴諸法律要求有關方面更正及公開道歉。
蘇永康坦言不想生事，奈何覺得地產代理沒誠意，惟有尋求法律幫助。（資料圖片）
蘇康昨日在微博炮轟利嘉閣地產代理有侵犯私隱之嫌，他寫道：「未經我同意把我名下一個物業，全間屋刊登，本來我希望能大事化小，經一星期交涉後我發現他們完全無誠意解決問題，最令我氣憤的是他們企圖因（以）一個大話襟（冚）一個大話的方法矇（蒙）混過關，今早我已交由律師處理，我還是相信香港的法律。」
鄭重聲明嚴禁拍照
蘇康接受電話訪問時詳細交代事件經過，他指6月時透過3間地產代理，將多年前以1,500萬購入薄扶林碧瑤灣逾1,500呎物業，以每月6萬元放租，事前已向各地產代理鄭重聲明嚴禁拍攝有關單位內的照片以保私隱。不過約2周前，蘇媽媽看見兒子的物業相片在某地產刊物全面曝光，他說：「好詳盡，由客廳、睡房、工人房，甚至單位外景觀嘅相全部都有，仲話我係1,800萬放盤，寫明代理行係利嘉閣，真係錯得離譜！」
利嘉閣總裁廖偉強
蘇永康多年前以1,500萬購入薄扶林碧瑤灣逾1,500呎物業。
蘇康曾兩度聯絡地產經紀作了解，並要求作出「只租不賣」的更正及道歉聲明，可惜卻遭極不尊重及欠誠意的對待：「佢（經紀）初時話肯喺一星期後出聲明，結果梗係冇啦！我咪再打畀佢囉，點知佢話佢公司唔會開先河出聲明喎！我覺得佢係大話冚大話囉，畀我覺得係佢當我流囉！」由於他氣憤難平及要捍衞私隱權，故昨日已透過律師發出律師信予地產代理，指有關方面作錯誤引導及侵犯其私隱。
問為何覺得懷疑被某人偷拍物業？蘇康直言：「呢個好明顯啦！」他稱多年前另一物業被雜誌狗仔扮租客偷拍後大做新聞，令他見過鬼都怕黑！他謂：「本雜誌寫到我間屋好衰，話唔係豪裝，寫到好衰！」自此，蘇康為免再被人大做文章，故有租客睇樓時必安排工人「𥄫實」及不准拍攝。現為私隱專員公署拍劇的他，竟被侵犯私隱之嫌，可感諷刺？他哈哈笑：「我覺得好好笑囉！」
「你估我屎忽痕咩？」
蘇康強調其訴求很簡單：「只係佢哋肯登更正、道歉聲明，就算登到『丁屎』咁細格，我都接受。（要求賠錢？）唔會，唔係講我好多錢，老實講可以賠到幾多吖！」他自言不是無事生非的人，要透過法律解決問題亦感煩惱：「唔係話嘥錢打官司，但我真係好激氣又好煩，我搵咗曾幫謝霆鋒打官司嘅法律朋友幫手，我都怕煩到人，想息事寧人，你估我屎忽痕鍾意打官司咩？唯一令我開心嘅係，有好多朋友幫我轉發微博，真係好多人撐我。」
利嘉閣願作出道歉
昨日記者聯絡利嘉閣總裁廖偉強，他表示已通知職員，強調整件事是地產代理和刊物間溝通上出現錯誤，現了解事件當中。他得知業主不滿，已安排分區董事向蘇永康了解，初步感事態不算嚴重。廖偉強又指員工不會未經業主同意下而拍照，但若真的有員工疏忽，會作出道歉。
文：音樂組
張衞健：被欺負要據理力爭
蘇永康不滿物業放租變放盤，好兄弟張衞健（Dicky）與梁漢文（Edmond）都力撐他有理。Dicky在微博留言：「支持我的好朋友，若被欺負，肯定要據理力爭。」並呼籲網民轉發該條微博。他接受電話訪問時說：「蘇康一向肯包容別人，佢嬲係對方做錯咗，帶咗麻煩畀佢，但又唔肯更正。任何行業誠信好緊要，係人都有錯，錯咗唔更正咁冇誠意，阿康嬲係應該。有其他地產公司都打畀阿康媽咪話想登相宣傳，但佢婉拒，人哋都冇做到，呢啲就係操守。」
Edmond亦在電話中力撐：「知道蘇康層樓係放租而唔係賣，如果未經過佢同意，攞咗去做其他嘢，已經唔係幾啱同唔合理，睇吓可唔可以再傾啦。」他承認早已聽對方提及事件：「之前有同我講過，我諗佢係得唔到要嘅答案同合理解釋，作為兄弟梗係要支持佢啦。」
內地商演王 揸200萬保時捷
44歲蘇永康入行27年，1999年與新加坡女友馮麗清（Jane）結婚後，於新加坡開珍珠奶茶店和汽車公司，但先後結業。2002年，蘇康在台灣因藏搖頭丸被捕，入獄強制勒戒11天，2003年與Jane離婚，雙重打擊令他人氣急跌。
2007年，蘇康重新發展，先後在內地、台灣和香港紅館舉行大型演唱會。目前他擁有香港薄扶林碧瑤灣千呎單位，市值約港幣1,800萬元，另外還有一部Mini Cooper和價值港幣200萬元的保時捷跑車。
蘇永康經常駕駛愛驅與朋友四出玩樂。
實力派的蘇康可謂內地商演王，每逢七、八、九月旺季，他每星期都到內地唱騷，大約唱三首歌，歌酬達港幣20多萬元。最近他以港幣逾百萬元拍「城電」新劇，明年2月又再與張衞健等兄弟班在紅館開騷。
令人誤會財政有問題
蘇永康原本打算放租旗下物業，無故被地產公司當成賣盤兼屋內環境在刊物曝光，令他大感不滿。律師黃國桐指地產公司在未經業主同意下，絕不能私自影相及刊出單位。他說：「蘇永康委任地產經紀放租，但經紀冇依合約進行，佢可以告地產毀約，要求賠償。同時佢係公眾人物，地產公司將佢嘅物業形容為由租變賣，令人誤會蘇永康財政上有問題，所以亦應該發一份道歉聲明。」
呂慧儀嘆藝人放租易惹麻煩
有「長腳蟹」之稱的靚太呂慧儀，早前被本報拍到四出睇樓盤。自嘲理財欠佳的她坦言不會以自己名義放租，會交給家人處理，以父親名或者公司名放租，故未試過遇到蘇永康個案。她說：「蘇永康呢個case真係好有問題，其實藝人用自己個名放租或持有物業，好易惹麻煩，用家人個名會好好多。」
此外，不少圈中人如方力申、黃宗澤、蔡卓妍、鍾欣桐、李彩華（Rain）等，亦化身包租公和包租婆，將持有物業收租。在內地吸金的圈中小富婆Rain坦言試過遇麻煩租客，對方經常欠交租，要母親上門叫對方交租。
鍾欣桐、蔡卓妍
方力申
康仔放租豪宅一肚火
蘇永康委託利嘉閣放租位於薄扶林碧瑤灣的千五萬住宅物業，對方在未經他同意下將物業由租變賣，並在一份刊物中公開室內布置及環境，令他大為震怒並訴諸法律！
對於地產代理公司未經他同意便將物業的室內環境刊登在刊物中，蘇永康感到不受尊重，氣得在微博留言發炮，並就該公司侵犯私隱及錯誤陳述發律師信，為自己討公道！
事先聲明禁拍照
記者昨日聯絡上康仔，他表示該物業是於多年前以1,500萬元購入，面積逾1,500呎，用作收租。今年3月租客搬走後，他於6月將物業交由3間地產代理公司以月租6萬元放租，並事先聲明絕不容許拍攝有關物業的任何照片！怎料兩星期前，利嘉閣在一份刊物中刊登其物業「全相」，由睡房、廚房、工人房以至屋外環境都任睇，更稱物業以1,800萬元放盤，失實兼侵犯私隱！
康仔事後追究該公司，對方承諾刊登道歉及更正聲明，但直至昨日仍未有行動。當康仔再度接觸該公司時，對方卻稱從未開過發道歉聲明先河，康仔說：「簡直係一個大話冚一個大話！（要求賠償？）唔係為錢，係為公道，我嘅要求好簡單，只係要求道歉同更正。如果有個客諗住買我層樓，但我其實又唔係賣，可能個客會怪我拉高個價，我唔想食呢隻死貓。」
可控告毀約索償
對於康仔的指控，利嘉閣總裁廖偉強表示已向員工了解，承認公司與刊物溝通出錯，已着分區董事與蘇永康聯絡，公司亦會尋求律師意見，若員工出錯會道歉。
黃國桐律師指出，若經紀沒有依從合約，可告地產代理毀約及索償，加上康仔是公眾人物，地產代理誤將其物業由租變賣，會令人誤會他財政出現問題，應作出道歉聲明。
音樂組
康仔委託地產代理公司放租物業，卻換來一肚氣，更要訴諸法律！
留言列表
{{ article.title }}
