馬詩慧拖仔堅拒洗腦周永恆轟政府無恥－娛樂八掛大放送★

馬詩慧拖仔堅拒洗腦周永恆轟政府無恥

【今日我至硬】
周永恆同阿Yu一家三口齊齊着住黑色衫，一於企硬向洗腦國民教育說不。

《娛圈反國教》
越來越多人要求撤回洗腦國民教育科，但政府繼續充耳不聞。身為家長的名模馬詩慧（Janet）和歌手周永恆及阿Yu擔心下一代會被染紅，昨日與家人齊穿黑衫，用行動表明立場，周永恆更怒駡政府無恥。

政府漠視民意，硬要推行國民教育科，育有兩女一子的馬詩慧昨日與今年升讀中一的細仔王躍穎一齊穿起黑色衫，用雙手打個大交叉，向推行國民教育科說「不」，Janet表示：「兩個女喺美國讀書，但囝囝喺香港讀書，我哋一齊留意新聞，今次着黑衫唔係我逼佢，佢好清楚自己做緊乜，唔想個仔人云亦云。」Janet憂慮歷史被扭曲，她說：「六四事件小朋友仲未出世，經歷冇咁深，覺得暫時嘅教材資料唔夠客觀同全面，係咪應該清楚交代每件事，有真相先啱。」

馬詩慧與細仔王躍穎黑衫打交叉，以行動表明立場。鬧亞視嘔心

周永恆和趙頌茹有一個兩歲女兒信希，另一小生命將於下月出世，一家三口穿黑衣以行動抗議，周永恆說：「政府堅決推行國教令人反感，《中國模式》手冊內容好偏頗，裏面只講共產黨黨史，唔覺得囡囡需要上呢個課，自己細個讀歷史，係讀大禹治水、唐宋元明清五千年歷史，呢個先係中華文化。」
周永恆又認為亞視的《ATV焦點》是一個很好的證據：「個節目令人嘔心，以前睇奧運見中國隊攞獎牌覺得好光榮，但今屆發生國教呢件事，令自己反思，原來愛國一定要愛黨，呢樣係洗腦，見到門常開地方，原來門冇開到！家見到吳克儉個樣好作嘔，林鄭講埋啲廢話，將大部份人意見變咗小部份人，好無恥賴皮，梁振英班子令人好反感。」他謂女兒鍾意音樂，將來會幫她報讀基督教音樂小學，他說：「如果到時有國民教育科，一定唔上呢堂。」

黃貫中除衫示威，大晒腹肌。微博反國教