探熱針
五分鐘返學 李克勤半億買時間
俾面甘菁菁
上週五（八月三十一日），李克勤為商台演出棟篤唱《笑笑音樂會》，當日 Ryan亦有到場睇騷，為免引起傳媒留意， Ryan被安排與幾位同學及家長一齊入場，後因跑去找爺爺嫲嫲，才被記者發現。
「克勤本來都唔想 Ryan嚟睇騷，佢覺得個仔開始大，成日俾人影到相，唔係咁好。今次個棟篤唱係幫樂善堂籌款，同埋佢俾面甘菁菁，所以同商台合作，好多同學家長都好踴躍買飛捧場做善事， Ryan問佢點解同學嚟得佢唔嚟得，克勤都唔識答，最後咪答應俾 Ryan嚟。」克勤身邊人說。
大仔 Ryan去年升讀加拿大國際學校 K2，每日由西貢銀線灣寓所出發返學，唔塞車亦要花上超過四十五
分鐘。
「克勤依家住緊銀線灣間屋係○二年買嘅，住咗成十年，佢同老婆都好鍾意嗰度，覺得間屋好旺佢，但舊年個仔考咗入加拿大國際學校，返學放學要接近兩個鐘，細路仔返到屋企又要做功課，佢唔想個仔嘥晒啲時間搭車，過去半年密密搵樓，七月就扑槌買咗壽臣山呢間屋，依家趕緊裝修，起碼年底先入到伙。」
音樂響起， Ryan已經開心到生猛晒，見到爹哋行過，更興奮到不停和爹哋揮手。
克勤安排 Ryan與其他同學一齊坐掩人耳目，但 Ryan卻跑了去跟爺爺嫲嫲玩。
被記者狂影一輪後， Ryan低頭望住「甘大滋」，身邊的女同學及家長狂氹也沒反應。
克勤以半億購入的壽臣山曉穎花園，其獨立屋正在裝修中。
一年唱間屋
要豪掟半億買樓，但克勤絕對無使入肉。近年密密在內地做騷，連同為 Now做主持，年多時間已經賺夠買大屋，相當和味。
「呢兩年克勤少咗幫 TVB做嘢，有時間俾佢接內地 job，幾乎每個星期都有得做，唱幾首歌袋五十萬，真係好好搵！」知情者說。
再忙，克勤都盡量親自湊仔返學，自從年初傳出有國內集團式拐子佬拐帶兒童，他更做足防範，接載兒子返學放學的七人車，每日均會駛入校內，讓 Ryan上落。
「有時克勤未必可以湊到 Ryan返學，所以佢同學校傾好咗，俾架車駛埋入學校裡面，咁就算得工人帶返學，佢都放心啲！」知情人說。
以前經常被指與商台交惡的李克勤，早前便出席商台 53周年台慶晚宴，更與俞琤、陳志雲及商台全體員工大合照。
克勤一直希望舉行棟篤唱，今次便將優先權交給商台合作。
老婆盧淑儀笑到見牙唔見眼，用行動支持老公。
不用工作，克勤與太太盧淑儀一同湊仔返學。
過億磚頭
留言列表
{{ article.title }}
