牛肉丸拼牛筋丸$28/8粒(單/雙拼同價)

Missing Out

手唧鮮牛丸

2012年08月29日 ~~ 第275期 Face

原本瑟縮於差館里 10年的郁香園，一年前搬到崇潔街，店鋪光猛企理得多，坐得更舒服。雖然邢老闆年紀大了，不能再以人手打牛丸，不過 Michael依然認為，呢度有最彈牙、最銷魂、最濃牛味的鮮牛丸。
邢老闆祖籍潮州，同 Michael都係「架己冷」。

互動片段

食住讚

其實邢老闆的叔公早在 5、 60年前，已在汕頭開店賣手打牛丸，後來邢生移民到港，決定善用祖傳技術，於是開店賣正宗的手打牛丸。
店中的丸類品種是香港數一數二的多，除了有常見的牛肉丸和豬肉丸外，還有市面少見的牛筋丸和黑椒豬肚丸，全部都無添加，用足料，日日打日日清，絕不過夜。
雖然邢老闆現在的體力，不足以應付每日手打牛丸的需求，已改用機器取代人手攪拌牛肉，不過老闆依然堅持每日到街市入貨，牛肉要揀新鮮的牛胸板、牛水、牛肩同牛大髀，因為這些部位最多膠質、最好打。牛肉攪拌至起膠後，邢老闆仍然堅持要用人手唧牛丸，因為用人手唧成的牛丸，氣孔會比較大，吃起來會更彈牙。
唧成丸狀的牛肉會放到 70度的熱水中成形，客人落單時，才即時將牛丸放到湯中煮至 9成熟，確保由廚房送到客人手上時，牛丸啱啱熟哂，是最有咬口的一刻。
除了牛丸有心機，湯底亦用上 10斤牛骨加豬骨，熬足 16-18個小時，呷一啖，有少少油，卻順喉唔會搶走牛肉丸的鮮味。

呢度係最正宗的潮州牛丸，幫襯咗咁多年都保持高水準。牛肉丸爽脆鮮甜，一口咬落去，新鮮肉香即刻湧出嚟，如果鍾意食更彈牙同有咬口的，就唔應該錯過牛筋丸了！