O camp唔夠女，組女靠你喇！
成班似足傳銷員 sell O camp，連 Spy都唔放過，不過見佢讚 Spy靚女就算數啦！
U SPY
科大註冊日似睇樓團
上星期一至三係科大註冊日， Spy都有去八吓，見除咗好多新生，仲有一堆學會及宿生會同學，好落力拉新生入會。入到校園就即刻俾十幾個唔同學會圍住游說去 O camp，由於 Spy去踩場當日係工程系註冊，學會見到 Spy係靚女，即刻賣口乖話：「 O camp唔夠女，組女靠你喇！」其他學會見狀，亦唔執輸，立即上前狂游說：「我哋 O camp唔撞期，可以報晒都得，好好玩，做大學生要識多啲朋友！」
學會落力 sell，估唔到宿生會都瞓身宣傳，除咗不斷舉牌嗌口號，更玩睇樓團，新生上宿舍睇示範單位，宿生會員不忘話：「我哋有無敵大海景，日出日落都睇到，咁靚宿舍邊度搵！」口脗十足新樓盤經紀爭客，個個把口 𠺘過油喎！
經紀爭客
成班「睇樓團」企喺門口側邊，等註冊完的新生出嚟，逢人出門，都大叫「揀我哋！」似足地產經紀。
宣傳單張力推宿舍有無敵大海景，即時想入住。
出力推 O camp
學會好努力游說新生去 O camp，但新生因花多眼亂，所以仍未有決定。
科大工商管理 Yr.1吳同學
太多選擇，我仲未揀定報邊個 O camp。
全站熱搜
留言列表
{{ article.title }}
