鬥快換畫
男友明食李詩韻 李彩華轉吼法男
近幾年李彩華在內地密接劇搵人仔，短短兩年已經賺到三層樓。有得有失！人在內地鞭長莫及，男友 Derek早於大半年前，背她劈腿暗撻李詩韻，更因做疊馬仔欠下巨債要女友借千萬，阿 Rain不允，對方索性冇錢走人。
再遇人不淑，阿 Rain屢敗屢戰，日前放假返港即約有米法男；而舊愛 Derek，上週日（ 5/8）則與李詩韻雙雙飛菲律賓潛水；風流快活，完全唔似周身債！
阿 Rain與法仔在商場內又攬又抱，搞了幾分鐘。
睇唔過眼
去年初憑《回家的誘惑》在國內爆紅，李彩華拍劇身價跳升到二十萬一集，阿 Rain趁勢留守內地吸金，偶然放假返港，每次亦來去匆匆。人不在港，男友乘機作反。
「其實舊年聖誕節， Derek同 Selena（李詩韻）已經行得好埋，經常約埋睇戲食飯，仲試過俾我哋撞到，但 Derek死口唔認，話同對方只係朋友，元旦倒數又陪實女友扮乖，阿 Rain梗係完全信晒佢！直到今年四月， Derek過分到帶埋 Selena出嚟朋友活動，兩個咁公開，我哋睇唔過眼，先同阿 Rain講。」阿 Rain身邊好友說。
唔只花心，仲好貪心！做汽車零件生意的 Derek，貪搵快錢，在澳門做疊馬仔，今年五月，因為客仔走數，要孭債千多萬。
「 Derek開口同阿 Rain借，我哋知道即刻勸佢諗清楚，個男嘅出去偷食，仲夠膽問女友攞錢，好離譜。」
六月，本刊拍得李詩韻與 Derek外出用膳。
去年除夕，阿 Rain與男友 Derek一同參加友人的倒數 party，當時阿 Rain仍未知男友不忠。
朋友將 Derek與李詩韻的度假照放上網，小三變正印，李詩韻笑容燦爛。
返港收樓
唔想人財兩失，阿 Rain拒絕男友要求，冇錢冇情講， Derek即時反面。
「 Derek企硬唔認同 Selena有嘢，見阿 Rain唔肯借錢，仲借勢發作嗌大交，阿 Rain都唔想糾纏，決定分手！」
甩拖之後，阿 Rain亦要趕返上海拍新劇《我用青春博明天》，日前劇組休假，她返港小休三日，順便收樓（上月以 1,600萬買入名門單位），並與一名法籍型男約會。
年年買樓
17歲已經出道的李彩華，試過經歷代父還債俾數佬追上門的黑暗日子， 06年簽約寰宇，接拍中央台劇集《昭君出塞》與羅嘉良合作，成功打開大陸市場。不過，自從前林小明太太離開寰宇，阿 Rain亦被打入冷宮， 08年賠二百萬解約後，全身留守內地拍劇，賺錢賺到笑，一年內連買兩物業。即使感情多次滑鐵盧，阿 Rain亦未至兩手空空。
物業 買入價（年份） 市值
渣甸山名門 1,600萬（ 12年） 1,547萬
跑馬地嘉蘭閣 1,200萬（ 11年） 1,380萬
堅尼地道 3號置樂台 322萬（ 10年） 400萬
市值共約： 3,327萬
名門
嘉蘭閣
置樂台
追到上海
「阿 Rain同對方已經識咗兩年，但佢一直有男友，加上唔係同聲同氣，又擔心父母接受唔到，所以冇考慮過要同對方發展；但經過 Derek件事，阿 Rain對香港男仔愈來愈無信心，之前佢唔開心，個法國仔又特登飛去上海搵佢，買晒玫瑰花去片場探班，仲親自整中國菜俾阿 Rain食，雖然整得唔湯唔水，但阿 Rain已經好感動！」
晚上六時多，二人離開餐廳，一同坐的士離開。
二人黐頭芒咁一齊睇 iPhone。
撐枱腳近三小時，法男不時影低女友靚相。
鍾意儲磚頭的李彩華，上月尾返港同媽咪到中環擺花街睇鋪。
拍拖潛水
阿 Rain嘗試發展異國戀，至於六月中才分手的舊愛 Derek，上週（八月五日）亦與李詩韻飛到菲律賓宿霧潛水，並入住當地 Maribago Bluewater Beach Resort酒店。
當日唔認偷食，今日明食，更加大條道理。
每次返港只三幾日，阿 Rain特別珍惜與家人共聚時間，日頭同媽咪四圍睇盤，夜晚一家齊人開飯。
遇人不淑
現年 28歲的李彩華，搵到錢，但愛情卻不如事業， 10年前前度王傲山背住她偷食後，前度男友 Derek亦照辦煮碗，仲要欠債問她借錢，阿 Rain的眼光，差！
王傲山
潘啟翀
同王傲山甩拖後， 11年認識做汽車零件生意的 Derek， Rain更視對方為結婚對象。但早前 Derek在澳門兼職做疊碼仔，被走數千五萬，又被揭發暗撻李詩韻，二人六月中分手，阿 Rain再次受傷。
留言列表
{{ article.title }}
