照完磁力共振，林欣彤證實因脊骨移位，患上坐骨神經痛，以致腰骨經常劇痛，甚至下半身失去知覺。
探熱針
脊骨移位 林欣彤浸會急救
陣痛死頂
上週五（八月十日）下午四點，身穿便服戴口罩的 Mag，由許廷鏗陪住到浸會醫院，二人在詢問處登記等見醫生期間，不時頭耷耷，戴口罩的 Mag更鎖住眉頭表現不安。見完醫生後， Mag即時被送往量血壓及照磁力共振，作進一步檢查。
「 Mag入行前身體已經唔係好，入行之後仲差，成日傷風感冒發燒，搞到失聲；呢排仲話自己腰骨痛，好似俾針㓤，開頭以為自己太攰，點知有晚突然雙腳冇晒力，麻痺到郁都郁唔到，佢先知大件事，第日即刻去睇醫生。」 Mag身邊人透露。
上週五（十日）， Mag現身浸會醫院求診，其間，「好姊妹」許廷鏗全程陪伴在側。
隱瞞家人
據知，到浸會睇醫生當日，主診醫生多番要求 Mag留院觀察等報告，但她卻以工作為由拒絕，最後醫生惟有開定止痛藥，以備不時之需。
「磁力共振報告出咗，證實係坐骨神經痛，醫生話 Mag嘅脊骨移咗位，壓住坐骨神經要盡快做物理治療。佢唔想留院，因為屋企人唔知， Mag驚佢哋擔心乜都冇講。嗰日佢又唔敢叫 Sheldon（羅孝勇）陪佢去醫院，因為上次俾人影到同居，之後俾公司捉去照肺，唯有搵 Alfred（許廷鏗）陪，呢個就算俾人影到都冇所謂。」
男友唔見得光， Mag搵「好姊妹」許廷鏗扮觀音兵，當日二人在醫院逗留了兩小時，再坐的士到尖沙咀海港城一間日本餐廳食晚飯，之後 Alfred還送 Mag返大埔寓所，完成任務。
戴住口罩求醫的林欣彤，拒絕留院觀察，照完磁力共振後，即匆匆上的士離開。
睇完醫生， Mag與許廷鏗再到尖沙咀海港城一間日本餐廳食飯，逗留了個半鐘才離開。
Mag參加《超級巨聲》時，與有錢鬼仔羅孝勇撻着，早前被踢爆已秘密搬到男方何文田山一號寓所同居後，被公司照肺。
病向淺中醫
備受力捧的 Mag，歌、影雙線發展，上週出席擔任第二女主角的電影《 Diva》首映時，被老闆楊受成捉住密斟。
坐骨神經痛是常見的神經痛症，坐骨神經是人體內最長及最粗的一條神經，從腰部到臀部，一直伸延到大腿後至小腿及足部。
根據註冊骨科專科醫生表示：「坐骨神經痛通常係因為腰椎間盤凸出或者脊骨移位，令到坐骨神經受壓，病人會覺得腰骨痛、慢慢會蔓延到大腿、小腿同臀部。成因多數係搬重物，長期坐姿唔正確，少運動，肥胖人士同老人家。初期患者醫生會開抗神經痛藥，但唔係治本方法，最好盡快接受物理治療，矯正錯位嘅脊椎關節，等啲肌肉強化減低痛症復發。如果坐視不理，嚴重可能令神經壞死，引致癱瘓或大小便失禁。」 
留言列表
{{ article.title }}
