40吋胸肌，梗係要騷吓啦！（設計對白）
擁有 184cm身高， 40吋胸肌，名副其實高大威，唔露簡直係暴殄天物！
亞熱帶
孔侑 露肌收失地
07年憑《咖啡王子一號店》帥氣老闆，贏盡韓國阿豬媽「芳心」，仲俘虜 咗唔少香港粉絲 嘅孔侑， 2010年退伍，休息 咗大半年後，先接拍以韓國真人真事改編 嘅電影《無聲吶喊》（香港 6月 21號上畫）。戲入面佢飾演正義老師，為受性虐待 嘅聾啞學生翻案，電影韓國大賣，票房高達港幣 2億 8千多萬。
復出頭炮響噹噹，令孔侑信心返晒 嚟。雄心勃勃 嘅佢近日接拍 KBS月火（周一、周二）劇《 BIG》，可惜劇集收視僅得 7.9%，令孔侑顏面盡失。孔侑惟有再出撒手 鐧，打開心口，再拍露肉寫真收復失地。
原名孔志哲 嘅孔侑， 01年以新秀模特兒名銜晉身演藝圈，幾年落 嚟，一直都係演二打六角色，星途平平無奇。直到 07年，跟尹恩惠合演人氣劇《咖啡王子一號店》，人氣以火箭速度飆升，成為亞洲最受歡迎韓國男星，可惜半年後因當兵要暫別演藝界兩年。
喺韓國 嚟講，唔少當紅男星，入伍兩年後再出番 嚟，冇乜幾個可以 keep得住人氣，宋承憲如是、韓在石如是，連組合神話 Eric、彗星等一樣難逃人氣下沉命運。但孔侑偏偏試圖打破這個宿命。
喺《咖啡王子》入面，高富帥老闆遇上女扮男裝的窮小子（尹恩惠飾）。之後發展一段疑幻疑真愛情故事。
孔侑喺寫真集入面，只要係咁意露少少肉，已經賣個滿堂紅，所以電視劇失利冇相干，單係寫真集已幫佢收復失地啦。
新劇首集騷肌
喺電視劇《 BIG》中， 30歲嘅醫生徐允（孔侑）與 18歲學生姜京俊（申元浩）發生交通意外，機緣巧合下掉轉了靈魂。徐允重生後，發現自己變了姜京俊，並躺在停屍間，衣不蔽體，呢幕又俾孔侑騷 body。
從軍做 DJ
入伍當日，孔侑獲 300多個包括台、日、韓粉絲送行。喺服役期間，孔侑一直喺軍部電台擔任 DJ。
憑電影攞人氣獎
孔侑 2010年 8月退伍，但未有急於重返公仔箱，反而喺 2011年 1月，接拍真人真事改編 嘅電影《無聲吶喊》，不止票房億億聲，人氣更係嘭嘭聲。於是乘勢追擊，決定重返熒幕拍劇。孔侑 喺新劇《 BIG》中真係搏到盡，擁有 30歲熟男樣貌 嘅佢，卻要演出 18歲稚男，咁都唔止，仲要犧牲色相，又要剝又要咀。大抵因為劇情老套，觀眾唔 buy，劇集開播出師失利，直到現時為止播了五集，收視冇升反跌，未能令孔侑人氣再上一層樓。
雖然電視劇迴響麻麻，但對 32歲 嘅孔侑 嚟講，影響唔大，事關佢挾住「人氣明星」銜頭，已有 17個廣告 喺手，今年淨袋港幣 2,170萬，係韓星第 9位。講到尾，一次半次 嘅收視數字只係浮雲，賺錢先係王道。
孔侑跟李言合演《咖啡王子》成好友，故李言電單車失事死亡後，孔侑特向軍隊請假出席喪禮，更為亡友捧靈牌。
靈魂轉移變咗 18歲嘅孔侑，思想、行為及心態變得幼稚，不時整蠱女主角李敏貞。
喺電視劇《 BIG》入面，同女主角李敏貞有唔少激咀鏡頭。
孔侑憑《無聲吶喊》奪得《 2011年韓國青龍電影節》嘅「最具人氣明星獎」，為其退伍復出打咗支強心針。
《無聲吶喊》真人真事
電影以據南韓光州一間聾啞學校 嘅事件為藍本，內容講校長及幾個教職員以殘忍手法虐待及性侵犯校內 嘅失聰學生，暴行一直維持 5年多先被揭發。而孔侑飾演該校美術老師姜仁浩，因為睇唔過眼而向人權組織舉報，可惜因法律漏洞，犯事班友依然逃過法律制裁。不過亦因此引起社會對弱勢團體 嘅關注。
為咗拍《無聲吶喊》，孔侑特地去學咗 3個月手語。
《無》入面嘅孔侑，逐漸發現校內令人髮指事件，遂向校內其他人員及學生追查真相。
留言列表
{{ article.title }}
