風聲緊，見少陣啦 Honey!（設計對白）
對於被校長稱呼「劉醫生」，師兄話：「忙到冇時間睇報紙，所以唔方便作答，多謝你嚟問我呢個問題啦！」個解釋牽強啲喎！
媽咪姐
師兄借拍戲避祖兒
自「祖師戀」被揭，加上師兄（劉浩龍）高調承認戀情後，外界一致插爆男方。經一事長一智，師兄亦學識 咗「低調」兩個字！
話說本周一（ 2日），成龍吹雞叫歌手幫忙為奧運錄歌，師兄亦係被邀之列。平時乜都舉手出席 嘅師兄，竟然為 咗避免同祖兒同場，居然連奧運盛事都冇面俾，寧願缺席錄歌。
師兄扮忙拒認「醫生」
翌日，媽咪姐去深水 埗探班，問正在拍攝 CTI新劇《第二人生》 嘅師兄點解唔去錄音？佢否認避祖兒：「我日日都拍劇呀，由早上六點拍到夜晚十點，我係知道要錄歌，但就真係忙到去唔到。」錄一首大合唱歌，至多花一、兩個小時，錄音當日大忙人 Eason、謝霆鋒都抽到時間，師兄呢個藉口講唔通喎！
雖然有傳英皇棒打鴛鴦，但拍劇有空檔時，師兄都會講電話、傳訊息；無獨有偶，早一日黃昏，媽咪姐就見到錄完音 嘅祖兒，佢部 iPhone要出動後備電 嚟吊命。睇 嚟風頭火勢，佢哋惟有轉玩地下情，暫時用電話神交住先囉！
師兄，你好叻呀！（設計對白）
睇你哋好得幾耐!（設計對白）
俾老死撬牆腳嘅何韻詩，周二（ 3日）出席演唱會宣傳活動，被追問同祖兒係咪朋友時，佢答：「係！」不過問到同劉浩龍係咪朋友時，佢就嘴扁扁指住記者扯開話題：「我同你哋都係朋友啦！」
剛萌芽嘅戀情，卻受到外界及公司打壓，容祖兒對傳媒封口，唔講「祖師戀」，但背後仍密密同師兄煲電話粥及 whatsapp， iPhone未到半日已經冇晒電，要叉叉佢。
劉浩龍在深水埗街頭拍劇，吸引咗唔少途人圍觀，唔少師奶都認得佢，媽咪姐不時都聽到，「佢咪容祖兒條仔囉！」
周三（ 4日），容祖兒知道何韻詩唔嬲佢時，佢話：「你哋得到答案咪得囉！」又指嚟緊會睇何韻詩同蕭敬騰個演唱會，力撐兩人再見亦是朋友。
周一（ 2日）凌晨被問及點睇「祖師戀」時，譚校長笑指師兄是「劉醫生」，同時亦取笑埋祖兒。不過譚校長周二旋即在微博大讚祖兒：「祖兒見慣世面經得起風浪，的確有大將之風。」又登出兩人在周一錄音時的合照。
如果真係攣都拗番直，仲唔係劉醫生？
劉醫生好嘢，真係好勁！
群星撐奧運
倫敦奧運將於香港時間 7月 27日晚開幕，為隆重其事，成龍本周一發起一班樂壇歌手，聯手錄奧運歌，於是容祖兒、陳奕迅、謝霆鋒、林子祥夫婦、何超儀及許志安等星，雲集錄音室。
已有一段長時間冇入錄音室嘅謝霆鋒，亦俾面成龍，到錄音室唱番兩句。
Eason早上出席完《我們的 15青年大匯演》，便到佐敦錄音室錄奧運歌，晚上就過澳門欣賞韓國組合少女時代。一日走三場，好趕呀！
何超儀亦有份為奧運錄歌，不過當佢聽到記者問佢老友師兄嘅戀情，亦封口唔答。
阿 Lam同莎莉深居簡出，今次兩人拍拖到錄音室，極為難得。
留言列表
{{ article.title }}
