生到個女又乖又叻嘅容祖兒媽咪，生活上完全唔使憂，天后女兒賺到嘅錢，聽聞大部分都上繳交到佢手上，代為投資買樓、買舖，祖兒媽大可印印腳享女福。
有個乖女已經夠幸福，難得祖兒媽身邊仲有個鬼咁錫自己嘅同性密友，日日出雙入對有個伴，總算填補番阿女忙住賺錢唔得閒陪阿媽嘅時間。
早排東姑又撞正祖兒媽同密友出動，山長水遠由港島區住處揸住架波子去到大埔買餸，由密友做柴可夫順便當遊吓車河，何樂而不為啫！難得兩人仲鬼咁啱key，買乜都有商有量，東姑見祖兒媽買嚿薑都要徵詢吓身邊密友意見先，此情此景，真係羨煞旁人o架。
祖兒媽同佢位同性密友成日畀東姑撞到出雙入對，呢一日就一齊去到大埔咁遠水路買餸添！
最終兩人買咗好幾袋餸同日用品走，離開時繼續由密友揸架波子跑車，做柴可夫。
兩個人鬼咁啱key兼鬼死咁好感情，密友不時仲搭住祖兒媽膊頭密斟。
買餸咁小事都有商有量，祖兒媽連買嚿薑都徵詢一吓身邊密友意見。
全站熱搜
留言列表
{{ article.title }}
