驗衣官
關注： 黄色夾白膚色
黄色衫好蝦亞洲人着，有人覺得 黄色夾黑膚色靚，但我反而覺得夾白膚色仲靚。好似 Joey同楊冪，白皙皮膚好啱襯。而 黄色切忌再襯花喱碌、橙色或泥色 tone，啡啡 黄 黄，好肉酸。
楊冪 簡單舒服
芒果色簡單連身裙，同佢白淨膚色好夾，惟獨對黑色短 boots唔太襯，換對杏色、米色仲靚。
湯唯 下身肥
橙 黄色長裙本身 ok，但佢着咗之後凸出咗 A字膊、下身小肥，頸又好長，怪怪哋，而且裙身長度尷尬，睇晒成對白鞋好娘。
容祖兒 外套搶眼
普通黑白穩陣，外加上鮮 黄色長外套，成個 look sharp醒晒，不過唔着透明黑絲，加對涼鞋，感覺仲會夏天啲。
楊愛瑾 黑鞋唔夾（ Bad）
齋睇條斜膊裙，前露後露有睇頭都靚，但就多餘整個複雜髮型，成個 look over晒，最失敗係襯對黑色鞋，換對銀色或 nude色，靚晒。
AF Elegance銀色裙
Christian Louboutin Shoes
大露背性感有睇頭，但銀色髮飾太多嘢，換個簡單 hair仲好。
李蘊 珠片娘 lace（ Bad）
全黑打扮但冇型格，珠片背心加埋條 lace短褲，好娘。對涼鞋嘅豹紋綁帶又古怪。
何韻詩 果汁先生（ Bad）
全身 Chloè
全身橙色中性打扮嘅佢，加埋個冇厘精神倦容好嚇人。全身 on tone配搭可以係一線之差，佢好明顯係失敗例子，直腳褲形唔啱佢身形，搞到髀位粗壯，又古怪襯對露趾鞋，扣晒分。
舒淇 搶眼潮人（ Good）
Peplum style裙呢兩季都好興，舒淇亦着得好好睇。加埋對立體窩釘 bling bling鞋，非常搶眼。唯一係個髮型，加咗啲紅藍色 highlight，少少怪，唔要仲 perfect。
Giuseppe Zanotti bling bling ankle boots$30,795
Dear Bell Bell手鏈及戒指
鄭秀文 玩色高手（ Good）
Ashish菱格外套
一向係配搭高手嘅 Sammi，今次再度發功。普通白恤衫、摺腳褲，外加件彩色 bling bling菱格外套， highlight晒成個 look，再襯對鮮紅 ankle boots，勁 sharp。
鄭融 變高妹（ Good）
Dear Bell Bell長頸鏈
黑色長外套，加埋對厚底涼鞋，將佢身形比例拉長咗，亦着出 casual chic。
關心妍 穩陣夏裝（ Pass）
花花圖案顏色裙，好有夏天色彩，配上黃色 open-toe shoes，亦好穩陣。不過直身裙加條 colourful皮帶， show到腰線更好。
Clover Canyon花花裙
Giuseppe Zanotti黃色鞋
鍾嘉欣 黑白強人（ Pass）
黑白造型嘅佢，比起平日一貫好女仔嘅打扮，更型更 tough。惟獨個微曲髮型女人咗，梳直好睇啲。
Ricky Kwok（郭慶彬）
留言列表
{{ article.title }}
