《 DIVA》一片中，飾演經理人的杜汶澤事無大小愛控制，祖兒雖然貴為天后但就被當扯線公仔，為 咗爭衫出陰招，祖兒都敢怒不敢言。
偽人本色
揭天后暗戰 祖兒硬搶 Fiona歌衫
真係好蹺，祖兒同師兄劉浩龍撻着搞到滿城風雨，佢主演套《 DIVA華麗之後》亦都排好期上畫，戀情變 咗宣傳攻勢頭炮先聲奪人，夾都冇咁 啱！
講番套《 DIVA》，開拍之初是非聚焦 喺天后祖兒疑似變 咗小師妹林欣彤陪襯，其實英皇一姐氣場咁強又點會咁易被搶鏡。實情薛凱琪客串的一場歌衫被搶戲分先至係話題焦點，實行自爆樂壇天后互鬥實況！
私伙歌衫
呢套出事水晶 Haute Couture出自荷蘭女設計師 Iris Van Herpen之手，事實上真係值 30萬，係容祖兒 10年紅館個唱訂做。
下月 16日，由容祖兒、林欣彤主演，杜汶澤自監自演的《 DIVA華麗之後》終上映，戲內，道盡小女孩爬上天后辛酸及娛圈黑幕，戲外，就撞正容祖兒有奀星男友劉浩龍搶先認拍拖，連老闆楊受成都話「查實對方都好笨」，又怕祖兒被利用。
搶衫互鬥
Fiona為幫老友阿澤客串《 DIVA》一日，同祖兒口徑一致話冇俾人搶過衫：「通常去品牌借衫，一早已經溝通好，如果有人訂 咗，佢 哋根本唔會攞出 嚟畀我 哋揀。」
話說祖兒 喺戲內做番自己扮樂壇天后一角，經理人阿 Man（杜汶澤）就不擇手段亦不可一世，籌備祖兒演唱會期間，眼紅形象設計師阿公（蘇永康）為另一位天后 Fiona（薛凱琪）搜刮的獨特歌衫，冒充祖兒率先在微博上公然「多謝阿公！」再用雙倍價錢 70萬支票利誘蘇康割愛。
搶衫已經算濕碎，男版 Mani阿澤更當祖兒木偶咁舞，仲爆粗鬧一姐：「冇我你乜×都唔係！」連祖兒死對頭 Fiona都睇唔過眼，後台兜巴星阿澤：「你做咁多陰質事，唔驚有報應咩？」
私伙出馬
扮好姊妹
演唱會當日， Fiona特登走去後台探祖兒班，一見「潑水裙」實物， Fiona更加火，不過照樣堆起笑容恭喜祖兒「 Good show！」，好演技！
回到現實，有睇過祖兒個唱 嘅 fans都實認得出，搶衫風波中 嘅主角「潑水裙」，實情在 10年祖兒《 NUMBER 6演唱會》壓軸出現。祖兒亦說：「套衫真係全世界得一件，係開騷時造型師（ Wyman）專登同 designer訂做，真係值 30萬！因為唔掛得、收藏搬運都要好小心， 𠵱家擺 咗 喺公司倉庫，同我歷年演唱會衫擺埋一齊。其實現實中每個歌手風格唔同，我又真係冇試過俾人搶或者搶人 哋衫喎！」天后級歌衫全世界得一件，搶人 哋度身做造 嗰件有失身份喎！
男版 Mani陰招
眼紅形象設計師蘇康為 Fiona物色 咗獨一無二潑水裙，戲中阿澤盜用祖兒微博戶口率先公開多謝蘇康，夾硬公告天下奪人所好。
冇我你乜×都唔係！
現實中 嘅祖兒同經理人 Mani情同姊妹， Mani梗係事事安排妥當，唔使臨急臨忙先走去搶衫啦。
你做咁多陰質事，唔驚有報應咩？
怒摑阿澤：後台寃家路窄， Fiona當面質問阿澤再醒多阿澤一巴，兩人多次合作私底下又係老死，梗係真打冇留手啦！
70萬利誘
蘇永康覺得難做，阿澤威迫利誘苦勸一輪，再硬塞一張面額值裙價兩倍的 70萬支票收買蘇康。
《 DIVA》撻着祖師戀
《 DIVA華麗之後》故事圍繞神級天后 J（容祖兒）同上位新人 Red（林欣彤） 嘅樂壇成名血淚史。份屬兩位女歌手 嘅經理人， Man（杜汶澤）不擇手段使盡陰招捧紅藝人、背後就嚴密監控二人言行活動、私人生活，搞到祖兒壓力失聲、 Mag與初戀男友感情告急。
之後祖兒失聲避走內地結識盲人按摩師胡歌，終於遇上有戀人愛護依靠 嘅普通人生活……祖兒 喺《 DIVA》入面同胡歌有場激烈濕身吻戲，仲俾胡歌讚唔知係唔係唱得歌多，嘴唇特別柔軟添。不過祖師戀一出，男主歌胡歌都要借開，皆因在戲中飾演司機、與容祖兒只得 3、 4場對手戲的大配角劉浩龍，盛傳就係拍《 DIVA》時撻着祖兒，到底有冇戲假情真曖曖昧昧？就要入場睇啦。
事前有傳新人林欣彤會搶晒師姐鏡，事實證明兩款海報都以祖兒為主。
《 DIVA》開拍時，有傳一姐要剛加入英皇的林欣彤成為陪襯品，去年 10月，未爆「祖師戀」的劉浩龍，只能靠邊站（左）。
留言列表
{{ article.title }}
