兩次大手術
因為言語不通，初時 Andy、應采兒、陳小春同醫生溝通 咗好耐，最後找到位識國語的護士，大家才放心讓 Yumiko入手術室。雖然 Yumiko昏迷了兩日，身上又插滿喉，但她仍有少許知覺。 Yumiko提供
封面
布吉醫院直擊 開肺清瘀血 昏迷 2日 Yumiko：我驚生唔到仔
鄭希怡（ Yumiko）上月 18日跟拍拖 7年的化妝師男友梁學儲（ Andy），飛往布吉為應采兒慶祝生日，點知樂極生悲， Yumiko於第 2日就發生意外，由 3層樓高處跌下昏迷，即時送院。前後動了 2個大手術，開肺清瘀血，昏迷 2日後於 21號甦醒。死過翻生，一度擔心自己會變癱的 Yumiko於布吉的醫院內接受本刊訪問，口震震話：「我最怕係成為人哋負累。」
而一直恨嫁的 Yumiko最擔心就是今次嚴重受傷或會影響將來懷孕，曾私下透露：「我驚生唔到仔。」
已經 30歲，入行 10年的 Yumiko最「杰」今次。
為多謝識國語 嘅泰籍護士做翻譯， Yumiko臨返香港前專登送 咗 2份禮物畀對方。
繼 06年《歡樂滿東華》飛天甩褲，之後又在加拿大甩衫露暈， Yumiko入行 10年來真係意外頻生，但今次並非小兒科。上週六（ 30日），記者到泰國布吉採訪到 Bangkok Hospital覆診的 Yumiko，當日 Yumiko要接受 45分鐘的電擊治療，幫助頸部的神經活動。戴着頸箍的 Yumiko，見到記者來訪仍然笑得出，但上半身仍未能正常活動。
「插住好多玻璃」
Yumiko一向貪靚，於醫院餐廳接受本刊訪問時，一坐低就大吐苦水：「我頸後面同個肚都多 咗條疤，原本醫生要我做手術時，我已經好想返香港做，但我個肺穿 咗，醫生擔心（坐飛機）高壓會爆肺。」
Yumiko之所以到布吉，全因她跟應采兒老友，知道小春在上月 18號為好姊妹在布吉搞生日 P， Yumiko秘密現身，當日一班好友玩到癲晒；翌日 Yumiko一早就同應采兒到酒店泳池游水，見到泳池旁邊有一道木牆， Yumiko就同應采兒爬上 3層高去影相，點知就發生意外， Yumiko說︰「影 咗一陣，我諗住同丁丁（應采兒）轉位，點知成個人『舂』 咗去後面，同丁丁一齊跌 咗落去。我唔知有幾高，只係覺得自己穿過 啲樹枝。過 咗一陣，先覺得塊面好痛，好似插住好多玻璃咁。」
出事前一刻
應采兒（左）同 Yumiko就因為擒上呢塊木牆影相，一時失足跌落山坡。 Yumiko提供
墮地穿肺
Yumiko由 3樓高 嘅泳池木牆跣腳跌落山坡後，佢全身郁唔到，陷入半昏迷狀態，好友即刻急召醫護人員搶救。 Yumiko提供
擔心癱瘓無仔生
據 Yumiko的好友表示，意外後她一度擔心自己將來不易懷孕，因此心情極度低落，「 Yumiko話好驚生唔到仔。」後經男友 Andy開解， Yumiko才消除憂慮，積極接受治療。
Yumiko入院後醫生發現她頸椎移位，一條韌帶斷了兼連帶神經撕裂，她說如果再壓住中樞神經，她便會全身癱瘓，「我最怕就係成為人哋負累。之後我先知到 嗰度有成 3層樓高，好彩中間有 啲樹枝托一托，足足暈 咗 2日。」
由於落地力度太猛， Yumiko的肺部亦震穿了，要即日做手術。 Yumiko說︰「就係因為個肺令我唔可以上機，因為驚高壓爆肺，醫生話唔得，下午 4點幾就決定做手術，推入手術室 嗰陣，成班朋友都陪住我。到我醒番就多 咗 2個袋吊住， 1個放瘀血、 1個放尿，手術做 咗 4個鐘。」
頸椎移位險癱
素顏 Yumiko話接受頸手術後，佢會比以前少 咗一個關節，亦會有後遺症，例如病痛會多 啲，所以要返香港搵名醫跟手尾。
梁烈唯的女友 Tina（左），係應采兒助手，上週六佢陪住 Yumiko到醫院覆診， Yumiko喺佢條頸度顯示自己 嘅傷勢。
好彩壽星女應采兒跌落草地，只是背脊擦傷無大礙。佢見到 Yumiko傷成咁亦好心痛，但面對 Yumiko時仍然四萬咁口，畀正能量 Yumiko。 Yumiko提供
諗過向男友求婚
Yumiko話返內地拍劇反而賺得仲多，早前完成了古裝劇《薛平貴與王寶釧》。不過今次受傷，手頭上工作全部取消，包括內地兩個廣告、 3個內地商演及一部內地劇，損失約 400萬元人民幣（約 492萬港元）。
事發當日，一班朋友因唔清楚 Yumiko傷勢，大家都唔敢亂郁，而她的男友 Andy全程表現冷靜。 Yumiko說︰「 Andy叫大家唔准郁我個頭，驚亂郁仲衰，冇幾耐我就由被送去醫院，其他人就跟車去，我記得一直都好似 瞓 喺張好硬 嘅床上面，之後照磁力共振、 X光，搞 咗好耐，印象真係好模糊，夜晚 喺醫院， Andy同我講：『你乖乖哋唔好郁，因為條頸好腫，個頭都係……』我覺得好痛，個頭就嚟爆開。」
至於平時見到記者就調頭走的 Andy，今次一反常態中途坐低陪住女友受訪。經過今次， Yumiko甜笑話二人的確患難見真情︰「都真係要畀番個名分佢，哈哈！我知佢今次喊 咗幾鑊，拍拖 7年喇，但今次真係跨 咗一大步。結唔結婚？其實我都有諗過同佢求婚，你問佢啦！」記者問 Andy打算幾時跟 Yumiko拉埋天窗， Andy說︰「等佢好番先啦……但點都好，我會照顧佢一世。」記者亦問返港後的 Yumiko，是否擔心生唔到 BB？但她卻表示不想多談，目前只想專心休息。 
化妝師男友 Andy
Yumiko說，由入院開始， Andy都沒有離開過佢視線範圍，「我醒番之後，佢就擺 咗張凳 喺床尾陪我，我知佢係驚我見唔到佢，因為我條頸完全郁唔到，只可以望直線，佢仲日日寫字條、畫畫畀我。就係呢 啲正能量，我比預期康復得快。」 
由於 Yumiko男友 Andy跟小春情同兄弟，所以 Yumiko亦同采兒特別 friend。布吉團等一行約 10人開生日 P，出事前齊齊扮千手觀音，可見佢 哋當時玩得相當 high。
食藥唔佗得 B
家庭醫生關嘉美
Yumiko今次由 3樓跌落街，擔心自己嚴重受傷及需長期服藥會影響生育，不過據家庭醫生關嘉美認為影響不大，「整親肺同頸係唔會影響生育能力，反而食藥就會影響胎兒發育，服食某啲藥物，如某啲抗生素等絕對唔適合懷孕。」
1/7布吉返港
Yumiko足足留院 10日，於上月 28號出院。上週六 Andy繑住 Yumiko，陪佢到布吉的 Bangkok Hospital覆診。 Yumiko話留院期間多得男友支持，「 Andy見我痛苦，佢不斷鼓勵我話：『你忍 1晚，唔好郁，有機會唔使做手術……』我聽完兩行眼淚已經忍唔住。」
Yumiko已在布吉休養了近半個月，直至週日（ 1日）由醫生陪同上機返港，直接到養和醫院再做一個全面檢查。當日霆鋒的助手「表哥」親自推 Yumiko入醫院。
週日返港到養和醫院接受進一步檢查後， Yumiko同 Andy返回男方位於西貢松濤苑的獨立屋，其間 Yumiko要扶住牆借力。
Andy水頭充足，他租住的西貢松濤苑，月租約 6萬元。
有米老豆
Yumiko入行 10年，經過事業高低，但錢對佢 嚟講一直唔係問題。除了背後有著名化妝師男友射住，原來 Yumiko的父親亦來頭不少。據知，居於上海的鄭父於當地經營製作公司，所以 Yumiko近年得以在內地拍據全因鄭父穿針引線。而 Andy之所以成為周迅的御用化妝師之一，亦是透過鄭父介紹，鄭希怡絕對係皇帝女。
Yumiko父親（左起）、母親及嫲嫲於上海定居， Yumiko亦於上海出世。《壹週刊》圖片
Yumiko租住的東山臺單位，月租約 3萬 5千元。《蘋果日報》圖片
女神變潮女
31歲的 Yumiko， 81年在上海出世， 02年與蔣雅文（ Mandy）、劉思慧（ Maggie）合組 3T衝擊樂壇，初出道時憑高䠷清麗外形，一度成為 MK及貨 van界女神， 03年單飛發展，賣舞藝亦發展不俗有新一代舞后之稱。近年 Yumiko主打在內地拍劇搵人仔，無需顧住歌星形象放膽穿衣，令身高 5呎 8吋嘅 Yumiko搖身一變成潮女，活躍於大小時尚聚會。
Maggie（左起）、 Yumiko及 Mandy 02年合組 3T出道，是繼容祖兒後的英皇第二代小花。《壹週刊》圖片
宅男迷
雖然屬於微波一族，但初出道時的清新水着使 Yumiko成為一代女神。《壹週刊》圖片
踩潮界
北上拍劇以後， Yumiko回港主力出席時尚活動，例如名牌活動 Joyce、 Max＆ Co.。
留言列表
{{ article.title }}
