Mia今年寫真賣肉搏到盡，她說將以宅男第一身感覺去跟她發生親密接觸，唔只視覺享受咁簡單喎。
回頭太難
同行嫌 cheap 媽模 Mia受盡歧視 「生過就咪出 嚟獻世！」
22歲媽模 Mia（陳靜儀）今年「重出江湖」再出寫真，加上擔正電影《喜愛夜蒲 2》剝衫救人氣，不過育有一對仔女的她， 瞓身賣肉無非為養家。
近日前夫奪命 call借錢，煩到爆的 Mia卻對本刊呻因為生過仔，入行後不斷被人歧視，有 model甚至當面藐爆：「生過就咪出 嚟獻世啦！」受盡白眼， Mia喊過無數次，更要食抑鬱藥減壓！單親媽模真係唔易做！
年少無知，娜姐周秀娜師妹 Mia早在 16歲時結婚，然後火速誕下一仔一女， 3年多前離婚，一對年幼子女由她獨力撫養。為賺快錢養仔女，她惟有入行做模賣樣賣身材，前年加入新 8模例牌比堅尼示人，今年更要搏盡扮機械人拍全裸寫真，又要在《喜愛夜蒲 2》拍激烈床戲，為錢冇底線！
接 jobs彈鐘
但入行 3年的 Mia卻呻被同行恥笑一直未停過，嫌棄她生過仔仲做模，受盡屈辱的她說：「上年有間雜誌社搵人影時裝照，我公司提議我去，點知對方 嘅編輯好大反應話：『有冇搞錯？我 哋唔想要生過仔 嘅模囉！』我知道後好想喊，有仔女 啫，有錯咩？我只係想正經搵錢啫！」
之後她惟有將底線放低，博取更多工作機會，可惜又被同行藐爆：「有 啲 model直頭 喺我面前講：『仲出 嚟做咩呀？生過就咪出 嚟獻世啦！』又會寸我：『 啲衫唔 啱媽咪 着 㗎！』我成日被孤立；就算之前我 哋新 8模，都好少約埋我食飯，我好似唔同類咁。」她說受盡歧視，心裏好唔舒服，醫生指她患有輕微抑鬱，需要食藥減壓。
前夫借錢
有報道指 Mia前夫欠債要問她借錢， Mia說：「我警告佢唔准再騷擾我，不過隔一、兩個星期會畀對仔女見佢，始終父愛好重要。家我冇再諗結婚，見過鬼仲唔怕黑咩？」
密實湊仔
Mia不時帶一對子女行街，她都不敢化濃妝、衣 着亦密實，保持低調免被子女的同學或家長認得她是模。
女僕機械人
Mia在寫真中變身女僕機械人，她說：「我三點不露，但會露一個特別 嘅窿，係叉電窿， 喺我 pat pat對上位置，個宅男（拍攝時）同我叉電時緊張到流晒汗，其實好多激相，佢幾乎睇晒我全相呀！」
Chrissie睇唔到
《忽然 1周》圖片
Mia稱常被 model歧視，去年一個內衣騷就見她自顧自跳舞。加上近日拍戲時， Mia被指姣黐娜姐男友 Avis， Chrissie同佢更冇姊妹做。
剝衫搵食
易容湊仔
留言列表
{{ article.title }}
