特技鼻
鼻翼離奇收窄 鍾舒漫：好多人話細咗！
女星靠樣搵食，各出奇謀，啪骨通淋巴打 botox樣樣齊。
好似鍾舒漫雖然一向 sell型女格，不過都食住潮流玩變臉，最近更發現佢鼻翼明顯收窄兼鼻樑更挺直。難得連佢自己都承認：「好多人話細咗！」鼻細唔緊要，胸冇縮就 ok啦。
’08肥大
上月初，過氣天氣女郎 黄婉曼忽然變 V煞面，但她堅稱自己只係用辣椒同淋巴瘦面， 黄婉曼自稱冇整容，鍾舒漫亦話自己個鼻細咗，全靠化妝功勞。
「個鼻最好睇！」
化妝師幫我打咗陰影（真實對白）
自稱靠化妝：上週五（ 29日），鍾舒漫出席活動時指手劃腳，欲證明打陰影的功效，佢話：「化妝師同我打咗陰影，由鼻樑到鼻翼，睇落咪好似細咗囉！」
英皇小花鍾舒漫入行 5年，古銅色的膚色及鼻環型女印象深刻。最近見佢鼻翼雖然收窄，鼻樑位又挺直咗，不過大執 黄婉曼都話自己冇加工，鍾舒漫亦否認：「呢排好多人都話我個鼻細咗，連我啲朋友都咁講，不過我冇整過㗎！呢啲全靠我化妝師幫我打多咗陰影（即場用手比劃），由鼻樑到鼻翼，所以睇落先又高又細囉！我由細到大都覺得個鼻最好睇。」神奇化妝乜都得，整容公司仲使有生意？
鼻樑係高咗
Dr Reborn醫學顧問 Heidi
鍾舒漫話自己最靚係個鼻，而且全天然無添加，鼻變靚，只歸功於化妝師。不過睇番 4年前嘅佢，個鼻的確係冇咁直同咁細喎！據 Dr Reborn專業醫生整容中心醫學顧問 Heidi稱：「鍾舒漫鼻翼，可能化妝可以幫到，不過佢個鼻樑係高咗，呢個可以打透明質酸。」
吳雨霏不再大鼻
與網球王子洪立熙拍拖 4年的吳雨霏，稱已跟洪分手，但早前被拍到兩人跟男方家人同遊布吉為 Kary慶祝 26歲生日，其後 Kary出席公開活動時直認兩人已復合。
Kary吳雨霏出道十年，由餅女 Cookies年代開始，豬膽鼻幾乎成為佢象徵，不過近日佢同鍾舒漫一樣，鼻翼一樣縮咗水，睇落順眼咗。
突然變細
上週四（ 28日），吳雨霏出席活動時，鼻翼明顯收窄，問佢係咪加過工時， Kary只說：「吓……呀……」之後經理人便搶說：「我哋唔會答呢啲問題。」但跟 3年前的照片對比， Kary個鼻真係唔同咗喎！
’09豬膽
’12索女
留言列表
{{ article.title }}
