喺新劇《戀愛季節》，唯唯同胡定欣一 pair，胡定欣話成日對住「大隻老公」要去 gym「嚟多兩嘢」練大隻，上週唯唯去做 gym，就回應「老婆」「嚟多兩嘢」。
博 セ呀
發虎威
男女主角馬德鐘、宣萱一個二個離巢，搞到成千萬製作嘅《飛虎》降格變 咗週日晚炮灰，重頭劇一個星期先播得一集，點知首集收視爆收 30點成為收視冠軍，世事無絕對囉！
由人人睇死、變成個個叫好，《飛虎》成班演員都即時鬆毛鬆翼，齊齊活躍微博。話時話，慶功時有冇多謝《心戰》台前幕後呀？冇人 哋咁難明餓 咗班師奶咁耐，你估你 哋首集會咁多人渴咩？
狙肌手 梁烈唯
《飛虎》入面扮神槍手 嘅唯唯相信最大收穫，就係配角一名但成為網上熱話，人人讚型。小生花旦離巢潮造就唯唯劇接劇，難得佢仲有時間日日操肌騷成果。 啱 嘅 啱 嘅， 嚟緊大把機會上位，操 fit啲好！
話就話做乘客唔揸車，其實咪又係谷肌曲線騷身材！
唯唯無情情上載與新劇《幸福摩天輪》對手 JJ合照話「愛情可以讓人痴狂」， JJ（賈曉晨） 啱 啱受情傷，小心惹 嚟閒話喎。
唯唯在《飛虎》扮神槍手大獲好評，佢自己都狂 post劇照同海報，自我感覺良好。
新屎坑 王浩信
四月做 咗老竇 嘅王浩信，一樣同時踩兩套劇上緊位。微博除 咗狂為《幸福摩天輪》、《戀愛季節》同做緊嘅《飛虎》做宣傳外，就見到佢甜絲絲攬住剛滿月 嘅寶貝女午睡，老婆仔 YoYo呢？
6月 1日係國內兒童節，王浩信攬住滿月囡囡午睡，話應節講句兒童節快樂喎。
連踩兩套劇，難得放假都去 咗日光浴，愛女就交個波畀老婆湊囉！
爸爸閉 馬德鐘
離巢馬德鐘今次攞晒彩，擔正劇集成為收視冠軍，馬神仲好豪氣咁請晒《飛虎》台前幕後食飯慶功，順手帶埋老婆囝囝慶祝自己 44歲生日兼 19年結婚紀念。橫店欺弱女事件後，馬神果然顧家好多喎！
生日正日，馬太上載馬神陳年攬仔相，多謝馬神多年來對兩母子無條件愛護和照顧。吓？養家活兒要有條件 嘅咩？
馬神北上搵銀，馬太就做跟得夫人。馬神都突然恩愛，去到邊都攬實夫人打咭一樣。
人走 咗一樣為套劇，端午節仲拉《飛虎》大隊扒龍舟宣傳，附送特深事業線做節。
一班「飛虎」在公在私都兄弟情深，上月 23日，難得約齊唯唯、王浩信、袁偉豪聚一聚。
小矮人 黃智雯
唯《飛虎》女成員黃智雯幕前英姿颯颯，唔講唔知，原來佢身高爭班男同事一大截，幕前英姿都係靠鏡頭借位同凳仔增高！
馬明 喺《飛虎》做大反派，不過私底下就同 Madam黃智雯係 friend底，仲 sweet sweet合照暗示會拍《 On Call》續集續前緣。
飛虎成員大合照， Mandy自爆要踩凳仔先至可以拉短身高距離。
大家姐 賈曉晨
喺《飛虎》同馬明扮演賊公賊婆 嘅 JJ，黑道大家姐 嘅紅髮造型殺死班宅男，不過睇 JJ微博呢排以淚洗面心情極度惡劣，被指有小三介入，狠飛沈震軒傳聞似層層。
馬明第一集就慘死，剩番阿嫂 JJ完成撐起社團，你話大家姐 嘅事業線同紅髮邊樣最煞？
自拍成狂 嘅 JJ set頭又發微博話右眼跳，其實張相 嘅亮點照舊唔係髮型亦唔係對眼。
留言列表
{{ article.title }}
