冇武術底子嘅詩雅，狂起腳練線條，搞到小腿又紅又瘀。

出道5年的英皇小花詩雅，外形清純似足大S同城嫂熊黛林，偏偏近年在電影中都要露肉激戰，為搵食搏到盡。不斷賣肉又被指有珠寶富商男友照顧，27歲詩雅最近卻大變身，除與珠寶富商斬纜，亦決定封胸唔行性感。前週五（9日），本刊發現詩雅為將開拍新戲《紮職》打泰拳狂操三粒鐘，唔再露肉博上位，靠自己密做賺錢養家。當年拍過三點盡露寫真的舒淇都成功洗底變金馬影后，詩雅從良冇難度喎！


憑無綫青春劇《四葉草》響朵的詩雅（原名衞詩雅），年前連拍《前度》及《囡囡》都要剝衫賣肉，兼有多場同男主角的超激床戲，玉女變慾女。

告別剝
封胸前，詩雅連續兩套戲都要剝，激戰程度以為拍緊《喜愛夜蒲》！

唔想定型
露得多都厭，唔想戲路被局限惟有轉型。最近戲接戲的詩雅，先有下月上畫的《起勢搖滾》做純情鋼琴公主，全程同Mr.主音Alan得一場咀戲咁大把；早前同羅仲謙合拍港台消防員劇《火速救兵》夠晒正氣；加上與靚仔前主播柳俊江拍獨立電影《哭喪女》，詩雅寧願扮厲鬼纏身都唔再賣身。積極洗底都要努力做功課，為備戰即將開拍由陳翊恒執導的古惑仔戲《紮職》，詩雅山長水遠由上水屋企去灣仔一間泰拳館練拳。身形柔弱的詩雅Tony Jaa上身，與教練對打時不斷出拳起飛腳，打足三粒鐘先肯換衫走人。

好想買樓
身為《紮職》第一女主角，飾演律師的詩雅會與古惑仔陳偉霆有多場逃亡戲，條橋抄足《潛行狙擊》中嘅黄宗澤和徐子珊，搞到弱質詩雅開拍前要苦學拳操fit體能。枕頭變拳頭，詩雅話唔介意上位比人慢，「其實我今年拍嘅戲全部都唔使露，可能形象健康咗，呢排反而多咗騷同廣告！（最近係咪撇甩珠寶商男友要靠自己？）之前傳我同咩珠寶富商同小南國太子爺全部都唔係真，我同佢哋係好朋友，但絕對唔係靠佢哋照顧。家屋企有我同細佬搵錢，我希望好快可以買層樓畀屋企人住得舒服啲！」封胸搵位走，詩雅要殺出血路，一於靠賣力。

翻版《潛行》橋

拒接酒吧騷
除咗拍戲，詩雅亦有唔少騷同廣告，不過就堅持唔接酒吧騷。「我覺得酒吧騷唔係太適合我嘅形象，而且我又唔識唱歌，所以公司幫我推晒！」 ####


有傳獲珠寶富商Kenneth（左）照顧4年，兩人更被拍得親密拍拖買傢俬，但詩雅強調二人一直只係好朋友，「我同佢有約會，但未去到男女朋友關係，更加冇使佢錢！」


跟足教練做熱身，詩雅打足三粒鐘打到喪標汗，認真過拳手出賽。


狂un威廉《前度》同阿嬌爭威廉，詩雅其中一場要上身全裸坐喺威廉身上激咀狂un。


SM露bra 《囡囡》中做援交妹嘅詩雅，除咗要露bra，又同曾國祥有床戲，仲要俾嫖客用手扣玩SM。


細佬出身詩雅細佬（右）畢業後入懲教署做紀律部隊，可以幫輕家姐一齊養家。


住公屋被指靠有米男照顧，實情詩雅現時仍與家人同住上水屋邨。


陳偉霆（左一）喺新戲《紮職》做古惑仔，詩雅（右二）就做律師女友，似足TVB劇《潛行狙擊》Bosco同徐子珊呢一pair。


踩埋劇同巨胸謙拍港台劇《火速救兵》，不過兩人完全唔過電，楊怡可以放心。


有咀冇露《起勢搖滾》做鋼琴公主，同Mr.主音Alan齋咀冇床戲，純到爆！


行catwalk 詩雅上週帶住師弟羅力威為設計師陳刀行騷。


孖師姐掘金前排孖住大師姐容祖兒sell Bossini「反斗奇兵」系列、下星期又會同阿Sa為日本品牌A.T做嘉賓。


新廣告詩雅皮膚白滑，早前接拍護膚品平面廣告，4月將出街，現時亦傾緊幾個廣告。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄