組合農夫眼中的本地樂壇是咁的：不欣賞也不尊重音樂人；四大頒獎禮頒幾百個獎，荒謬；林峯紅爆，不是好彩，是智慧。然後一語道破：以前做歌手係搵錢，家冇錢唔好做歌手；上一輩樂壇權力者捍衞城池，要兩代後樂壇才能 change；還有，請信網民聲音是真相。 80後的農夫跳入公仔箱憑《撳錢》殺出血路；香港樂壇？「獨善其身，唔關我哋事。」好直啫！撰文：朱倬誼


其他娛樂名人影片

農夫的 C君和陸永離開舊老闆陳冠希（ Edison），跟隨經理人 DJ Tommy闖天下，結果憑主持 now遊戲節目《撳錢》彈起。回想當日離開 Edison，農夫揚言未驚過，日前他們在柴灣接受訪問時說：「有嘢咪做囉，離開 Edison唔係憾事。」從樂壇走入公仔箱，農夫驚訝電視威力強勁。其實現今歌手甚難撈，側田曾說樂壇是廢的，在港賺的錢是零，但農夫踢爆：「我認識嘅佢好有錢喎。我哋就覺得好好做，養到自己仲畀到屋企人。香港樂壇唔尊重音樂人，幕後創作人冇人發掘冇人欣賞，所以阿田覺得辛苦，因為佢係做音樂。」

放大圖片
C君明年暑假會結婚，之後會努力造人。

C君明年暑假會結婚，之後會努力造人。

放大圖片
陸永自稱愛情第一，但以往拍拖的日子都很短。

陸永自稱愛情第一，但以往拍拖的日子都很短。

「好可笑好荒謬」 放大圖片
林峯。資料圖片

林峯。資料圖片

樂壇頒獎禮是否形同垃圾？陸永說：「未致於一嚿垃圾，梗有佢意義，但頒獎禮可以一年一個，全部人一齊搞更有意義。」 C君則說：「人哋咁大個美國，一個 Grammy（格林美）都係十個八個獎，香港搞咁多頒獎禮咁多獎好可笑、好荒謬。」有人對樂壇失望，農夫有沒有寄望？他們說：「樂壇唔關我哋事，我哋跳咗出嚟獨善其身，玩嘅唔係主流音樂，颳大風都颳唔到我哋。」講到搵食，農夫形容「 OK嘅」：「以前做歌手搵到錢，家啲人覺得歌手幾窮，係冇錢冇得做歌手。我哋唔喺貧窮線，但唔係林峯囉，佢超有錢。」C君又抵死說：「林峯揸得咁靚嘅車，等於我一年年薪啦。樂壇再過兩代一定好，家樂壇唔好，因為有班有權力嘅人習慣以往運作模式，會用最大力量去保護呢個模式。再過一兩代，家領導緊嘅 DJ、新進唱片公司嘅人會創造新規例。可能下一代得一個頒獎禮，咁咪一路好落去囉。」但下一代可能得一個林峯，農夫笑說：「家都係得一個林峯，佢已經唔屬於香港，屬於亞太區，所有亞洲人。」

林峯 Chok得有智慧

提起林峯，農夫就多嘢講，「佢唱歌喺無綫藝人中算好，又未係最好，林欣彤都好 o架。林峯係極度聰明嘅人，非常為自己嘅目標努力，如果唔係唔會咁紅。喺電視劇中點樣表現自己靚仔，都係佢諗出嚟，要有智慧先得。」農夫冇樣，但有 80後的腦袋，當上主持後做了大眾 friend，陸永去茶餐廳，次次被茶客手指指，「我冇咗十萬呀！」、「問題易啲啦！」身為高登友的農夫又肯聽網民之聲，「人哋話畀你知真相，唔係唔聽唔睇唔講，件事就冇。有啲藝人認住網民係一小撮人，意見唔真，其實網民數量大過市民。」


農夫的陸永（左）與 C君認為，香港樂壇要兩代後才能有改變。攝影：陳慧安

農夫 數 樂壇 　林峯 超有錢

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄