請假安胎

近日盛傳有喜的楊千嬅，上月廿八日完成其音樂會後，當晚凌晨時份因腹痛急送入院，猶幸證實並無大礙，但醫生卻吩咐她最好卧牀一個月，專心安胎，免得再動胎氣。

由於現時千嬅不過懷孕兩個月，仍未過穩定期，加上她與丁子高初為人父母，難免顯得特別小心。本周日（十二月十八日）下午三時多，閉關安胎了好一段日子的她，在老公陪同下乘保母車離開陽明山莊寓所，直往灣仔君悅酒店。在酒店下車時，只見拿着手提包的她，穿着不算厚的外套，再披上一條大披肩，當看見有記者拍照，即表現得有點愕然，更即時緊緊攬着手提包護肚。

據其好友透露：「其實喺上個月舉行音樂會前，千嬅先同經理人公司講，仲請定假安胎，所以好多同佢做嘢嘅人都知道呢件事。不過佢始終未佗夠三個月，都驚個胎小器，所以一直都唔敢正式公開。」

煲劇解悶

據悉，千嬅在「卧牀」的日子，大部分時間都乖乖從命每天留在家中安胎。但為免度日如年，她每天除了跟好友們煲電話粥，以及追看圈中人近期熱捧的韓劇《最佳愛情》外，更編織毛衣、上微博打牙骹來消磨時間。

「佢都有作嘔作悶，但唔算嚴重，不過對於啲味濃嘅食物會較為敏感，聞到都會有啲唔舒服，營養師都幫佢整理咗一份較清淡嘅餐單，令佢可以多番啲食慾。」其好友稱。「千嬅嘅爸爸媽媽，同埋奶奶都好錫佢，幾乎每日都帶埋湯水、補品去佢屋企陪佢。佢奶奶仲叫佢剪短頭髮，唔好同個胎爭營養，佢都好聽話，第二日就去剪。」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄