娛樂八掛大放送★

劉德華出道 30周年，前晚開始在紅館舉行一連 20場的「劉德華 Unforgettable Concert 2010」，跟過萬觀眾一同見證 30年來在娛樂圈的甜酸苦辣。大晒肌肉的華仔載歌載舞飛天又玩火，全晚 165分鐘極盡視聽之娛。回想有一群追隨多年的 fans力撐自己，華仔也被溶化流淚。前晚他還找黎明做嘉賓，兩大天王來個世紀合唱。　採訪：馬建華　攝影：林德雄

其他娛樂名人影片 毛敵肌男

穿上由山本耀司設計的芥辣黃西裝，真空上陣露出六嚿腹肌和茂密體毛，華仔更一度下體激凸，看到 fans熱血沸騰。他早前請來米高積遜（ Michael Jackson）的排舞老師合作，前晚他與女舞蹈員演出連串勁歌熱舞，又唱出多首葉蒨文和張國榮等的經典快歌。曲目：《信自己》、《憑甚麼》、《 Stand Up》、《掌聲響起》

放大圖片

攬女勁舞

放大圖片

吹氣 A貨 MJ

半空玩鞋 放大圖片

舞台幻化海底世界，舞蹈員化身水中生物，又有陸上動物等等，華仔以全藍色西裝乘坐離地約 30呎高的金鞋子在半空出現，他更未有用上任何安全帶，只是徒手捉緊兩條威吔。之後華仔表演耍棍，再配合煙花效果，氣勢十足。不過華仔未出場時，不知道咪已開，他衝口而出說：「家太大！」未見人先聞其聲擺烏龍。曲目：《十年》、《愛不完》、《星河傳說》、《如果有一天》

葉問上身 放大圖片

頭頂四塊巨型屏幕降落台上，配合書法（左圖）和水墨畫，切合華仔一向愛寫書法，還有小武僧耍功夫，原來他們有份和華仔在新戲《新少林寺》大演對手戲，華仔專程請他們來港演出。一身白西裝的華仔跟一班打扮成葉問的舞蹈員，中國味十足。曲目：《情義倆心堅》、《中國人》

煙花盛放 放大圖片

華仔以山本耀司度身訂做的黑色紳士 look造型出場，舞台有煙花及噴火效果， fans甫見偶像即已嗌破喉嚨，氣氛高漲。華仔和合共約 20位男女舞蹈員一同跳舞，氣勢十足，視覺效果相當豐富。曲目：《天天想你》、《大眼睛》、《你是我的夢》、《一起走過的日子》、《天意》、《忘情水》、《謝謝你的愛》


華仔為個唱節食排練，腰圍只有 31吋，更有六嚿腹肌，腹肌下的體毛極為搶眼。

天王抱抱 20年一閏

前晚首場紅館演唱會，劉德華專程請來由 90年代四大天王時期爭獎爭崩頭的宿敵黎明做嘉賓，掀起整晚高潮，全場叫聲震天，當黎明未出場時，華仔語重心長說：「以往因為有呢個嘉賓，所以令到你哋更錫我，更支持我，當我搵佢做嘉賓時，佢都有少少懷疑，但我話我嘅 fans唔只支持我，仲係支持每一個人。」

放大圖片

黎明（左）應邀做華仔個唱嘉賓，但合唱時表現生疏。

之後黎明出場，兩人甫見面先來個深情擁抱，全場起哄，黎明說：「恭喜晒，好開心。我喺台下面見到一啲平時冇機會見嘅人，又透過耳機聽到華仔同你哋嘅對話，接觸到你哋，呢個經歷令我好溫暖好開心。」隨即兩人合唱一曲《明星》，黎明甫開腔唱歌，觀眾拍掌附和，但華仔和黎明卻表現有點生疏。當華仔唱至最後一句：「求你在心中記住我。」黎明即說：「我會。」多年是非可謂一朝化解。接着黎明獨唱一曲《忘情水》，全程他只企在台中，未有行近觀眾席。訪問時華仔表示三、四個月前親自致電請黎明，他說：「喺過去嘅 30年，佢的確擔當一個重要角色。」但提到黎明似不敢行近觀眾，華仔笑說：「有幾驚，冇嘢喎！」曲目：《明星》、《忘情水》

天若有情 放大圖片

現場播出華仔經典作品《天若有情》中和吳倩蓮的片段，華仔則以「華 Dee」造型坐着一架車牌「 30th」的 bling bling電單車出現，全場嘩聲四起，他笑說：「當年我憑呢個 look呃咗好多女仔，好多女仔以為我係好男友，你哋話係唔係？」曲目：《情深的一句》

母子情深 放大圖片

同場播出華仔和葉德嫻（圖）合演的《法外情》片段，一身旗袍造型的葉德嫻出場，掌聲雷動，華仔唱出《 Ma Ma I Love U》時，甫見戲中媽媽已開始忍不住飲泣。接着葉德嫻獨唱一曲《赤子》，雖然久未在台上唱歌，但葉德嫻寶刀未老，唱功令人拍爛手掌。接着華仔以《無間道》中的警察「劉建明」現身，穿上閃爆避彈衣，再用雙手大玩激光。曲目：《 Ma Ma I Love U》、《赤子》、《無間道》、《被遺忘的時光》、《流浪》、《神鵰大俠》、《暗裡着迷》

睡衣派對 放大圖片

華仔以山本耀司的波點睡衣出現安哥環節，加上一連串快歌，前排 fans幾乎全部企起身，華仔也識趣地走近他們握手，其間有 fans攬着他不放，要保安人員出手將他們分開，華仔又抱起 fans的 BB，台上台下打成一片。曲目：《獨自去偷歡》、《不需要愛情》、《鑽石眼淚》、《末世天使》、《情感的禁區》、《可不可以》、《 17歲》、《 I Don't Wanna Say Goodbye》

三度落淚 放大圖片

經過前年瞞婚事件，華仔形象一度插水，他前晚再次在紅館開騷，壓力甚大，不過現場見 fans不離不棄繼續支持自己，難怪華仔三度落淚，其間更一度泣不成聲，他說：「有時演唱會唔需要大製作，只要用心，都會得到大家支持。人大咗反而唔夠堅強，我係鐵人嚟 o架嘛，但咁易俾你哋感動到，呢首歌我要話畀大家聽，雖然我冇機會逐一見到你哋記住你哋個樣，但每個嘅掌聲我都係會記住。」歌迷向華仔送上紙巾拭淚，他抹完後拋回台下送給 fans。曲目：《心只有你》、《仍唱我的歌》


黎明（左）和華仔這對多年宿敵，是非一朝化解，兩人前晚甫見面即來個深

街訪：「握手位唔夠多」

華仔前晚首場個唱全場爆滿，他瞓身落力演出，身體力行報答一直支持他的 fans，不知當晚觀眾是否滿意華仔的表現？

張小姐：「如果 100分滿分，我畀 85分，嫌握手位唔夠多，次次華仔過嚟握手都好快好急。我好鍾意華仔跳快舞嗰部份，同埋巨型吹氣華仔好靚。」

放大圖片

陳小姐（左）及李小姐：「今次 20場我哋會睇 10場，其中最鍾意係『天若有情』嗰部份，架電單車好靚，初初以為只係停喺某個位，但原來佢會轉足四面，好正，我哋畀 101分。」

放大圖片

張小姐：「華仔表現梗係 100分，成個演唱會印象都好深刻，佢唱快歌好吸引，我每次都有睇華仔演唱會，次次都咁好睇。」


張小姐

情擁抱。