旅行旅遊澳洲阿德萊德紫紅天下飲粉紅酒　袋鼠島探海豚－娛樂八掛大放送★

好凍好凍，經歷過一個又一個穿短袖的聖誕後，我們懷念冬天。好嘞，到久違了的寒流到訪，我們又心繫炎夏，好想脫個精光跳落海。人，就係咁犯賤！記者、攝影：曾冠輝鳴謝： Jacob's Creek

避寒同海豚玩遊戲放大圖片

後日冬至，南半球便是「夏至」，南澳正值盛夏。阿德萊德對開西南有個大島，是澳洲第三大（第一當然是塔斯曼尼亞），足四個香港咁大，叫袋鼠島 Kangaroo Island。島之厲害，在於保育。袋鼠島上嚴格保護原有自然環境，袋鼠以外還有海獅海豹樹熊企鵝等四千多種原生動物。島上人口只四千多，不必大興土木，人可與野生動物和平共處。到達島上，第一時間唔係搵袋鼠，而是直奔北岸坐艇出海睇海豚！不過等等，未見識海豚，先與守候在碼頭的塘鵝打個招呼，牠們或站在欄杆，或站在大石，更或站在燈柱上，儍頭儍腦唔知等緊乜，非常卡娃伊。一行十幾人坐上橡皮快艇直駛往 Emu Bay。這裏是個淺灘，透過清澈碧綠的海水可直視見底。好一會，只見水下不是沙地海床，就是綠油油海草：「就係睇呢啲？」心裏暗問之際，旁邊隨即飄過幾片三角鰭，銀灰色的，正是海豚，游得自在，完全當人無到，間中仲跳出水轉個圈俾你睇，當正人類係 friend：「唔止表演，在澳洲更試過有海豚聯群驅趕鯊魚保護人類㖭！」此時快艇收油，停下引擎：「可以落水了！」原來唔止可以睇，仲可以同海豚一齊游水，呢次都算係生平最近海豚的一次啦！不過時間唔長，稍稍大力踢水，海豚即轉身閃。好幾回差點游近，身旁同行使出吃奶之力踢水猛追，海豚霎時逃遁無蹤，激死！

放大圖片

放大圖片
■塘鵝個樣永遠都係咁儍。

■塘鵝個樣永遠都係咁儍。

Dolphin Tour約$432.5（ 1小時）網址：http://www.kimarinetours.com

最美一幕還未閉幕

睇完海豚仲有茶點食，落完水渾身濕透飲杯熱啡加件朱古力蛋糕都幾正，不過我唔係想講呢啲。此行得澳洲著名酒莊 Jacob's Creek邀請，行程自然安排周到。當天色臨近黃昏，我們就在一片自然優美的原野，擺出美酒生蠔的架勢，在芳草地上來個餐前 cocktail。桌上大盤產於袋鼠島 American River的生蠔，隻隻新鮮甜美，由專人即席開蠔立食。我等蠔癡固然緊守在蠔桌前，不過也得分身到另一邊，倒上一杯 Sparkling Moscato Rose。此酒所用葡萄由專人於清凉夜間採摘，釀出來的酒清甜爽脆，果味濃，前所未見於香港。以為只於澳洲本土發售，一問至知將於本月中引進香港於超市發售，最啱聖誕檔期了。邊吃邊喝邊聊，不覺日落，一片紫紅染盡天邊，亦染得原野一地，跟手上 Rose的粉紅配襯得煞是浪漫，是此行最美一幕。

放大圖片
■天色跟 Sparkling Moscato Rose最襯！

■天色跟 Sparkling Moscato Rose最襯！

放大圖片
■黃昏，一定是氣泡酒！

■黃昏，一定是氣泡酒！

放大圖片

放大圖片
■新鮮生蠔來自 American River。

■新鮮生蠔來自 American River。

Sparkling Moscato Rose價錢：超市零售價約$109

野餐風景是主菜放大圖片
■頭上幾棵都是尤加利樹，即樹熊最愛。

■頭上幾棵都是尤加利樹，即樹熊最愛。

在袋鼠島上吃了三餐：午餐、晚餐、早餐，三餐都離不開野餐，只因袋鼠島實在有着極佳的原始生態。島上超過一半土地屬原生植被，未經人工開鑿，而全島超過三分一範圍更被列為國家公園或保護區。如此環境當然唔好浪費。晨早，酒莊已在 Duck Lagoon樹下設好椅桌，另一旁更起爐，肥佬大廚埋首預備十幾人的早餐：煎蛋、煙肉、牛角包，以上都只是伴碟，風景才是主菜。池水平靜如鏡，氣氛寧謐，間中聽到樹上鳥鳴。這種環境下的早餐，怎不滋味？當然也少不了酒， Sparkling Moscato Rose仍然啱用。晨早，我就已略帶醉意了。

放大圖片
■煎蛋、煙肉、牛角包都是伴碟。