Honda CBR250R 紅白藍　新手潮跑 @ 娛樂八掛大放送★

香港地揸車快極有限，尤其成日俾人話皮包鐵的電單車，揸得快的確危險。計我話，最緊要架電單車個樣夠煞食，出街搶盡收視經已有莫大滿足感！好似 Honda最新到港的 CBR250R，全新紅白藍造型的 250小跑，潮味型格滿分，啱晒一眾貪型唔貪快的鐵騎新手。記者：許維雅攝影：梁細權Model： Joanne

全球第一台　搶閘到港

Honda於 10月尾時正式宣佈會推出一架全新款式的 250級別電單車，上一代已於 01年停產的 CBR250RR，於 2011年以全新面貌再次登場，改名為 CBR250R，用「 Sport Quarter for One World」作為口號，並由泰國及印度生產線負責製作以發行至全球，希望將一架全球合用的新小跑帶給車迷。話咁快就已經火速到港，皆因香港代理可以搶閘攞到泰國出廠的第一部車讓車迷先睹為快。咁心急？當然係因為 CBR250R的迴響甚大，約五萬元的相宜售價，加上紅白藍的跑車造型十分搶眼煞食，兩側一大塊白色海鷗形啡呤，再有紅色箭嘴形圖案點綴，生動有型。車廠更巧妙地以銀底藍色車頭及汽缸配襯，色系配合方面帶來頗大新鮮感，加上充滿跑味的簡約流線型車架，不算車迷的我亦有刮目相看的感覺，覺得呢部小跑甚有潮味。

放大圖片
■ Honda全新小跑 CBR250R外形討好，絕對有能力吸引新手轉玩跑車。

■ Honda全新小跑 CBR250R外形討好，絕對有能力吸引新手轉玩跑車。

放大圖片
■現在接受預訂的還有這部全黑版本。

■現在接受預訂的還有這部全黑版本。

放大圖片
■單圓錶板設計簡約，以藍心呼應車頭色彩。

■單圓錶板設計簡約，以藍心呼應車頭色彩。

放大圖片
■雖屬單碟設計，但配有 ABS制動系統提升安全。

■雖屬單碟設計，但配有 ABS制動系統提升安全。

放大圖片
■銀藍色車頭襯托丫叉形頭燈，好靚仔！

■銀藍色車頭襯托丫叉形頭燈，好靚仔！

放大圖片
■車尾設計不算特別突出，紅鑽形尾燈已是焦點。

■車尾設計不算特別突出，紅鑽形尾燈已是焦點。

同級首架有 ABS系統放大圖片
■車尾設計充滿動感，後座亦同樣舒適。

■車尾設計充滿動感，後座亦同樣舒適。

以強調電單車操控樂趣為宗旨的 CBR250R，雖然它的 250cc四衝水冷引擎只屬初階跑車級別，但車廠亦落足心思改良性能及操控的表現，例如引擎汽缸數目由四個減至一個，令扭力有所提升之餘，亦可減低油耗及車重，不過可能有人會嫌單缸行車的震動比較大，為咗針對呢個弱點，引擎加有平衡軸減低震動。加上尾避震採用 Honda一公升級跑車沿用的 Uni Pro-Link單筒避震，獨特設計的跑車 Mounting令尾避震行程更良好。供油方面，採用 PGM-FI電噴系統，配合內置 O
感應器和催化裝置等排放系統，亦成功改善廢氣排放質素以至符合歐盟三期。相比起同級對手 Kawasaki的 Ninja 250R，車價雖然貴$3,000，但 CBR250R勝在配備 Combined ABS聯動及防鎖死系統，屬 250級別中首架原裝加上 ABS的跑車，安全度大大提升，令電單車新手試玩跑車都倍覺安心，且速度唔算太快、騎姿亦不用似華 Dee咁趴住揸車咁辛苦，的確係新手的不錯入門。