經典款高踭鞋價錢由 4千到 8千不等，視乎其用料。「呢個款好舒服， 3吋就平日返工着， 4吋可以去 ball，係我買得最多嘅款。」
上流滙
四洲太子女戴凱欣 華麗鞋后
女士愛鞋的情意結特別難解，為了購得心頭好不惜工本。四洲集團太子女戴凱欣（ Kennis），亦屬愛鞋一族，家中收藏過百對鞋，由涼鞋、高 踭鞋到長 boots應有盡有。在這堆心頭好中，她對法國鞋王 Roger Vivier特別如痴如醉，僅僅三年間，已儲近百件珍藏，同款鞋更有齊十多種顏色，迷戀程度可見一斑。「因為朋友介紹，有次去 咗舖頭睇，第一眼見佢個扣好特別，點知試上腳好舒服，即刻愛上，一買就買 咗好多對。」自此踏上不歸路。
訪問當日，戴凱欣帶了部分收藏到其開設的 spa舖頭影相，廿多對鞋加上手袋，記者為它們安排位置影相也甚有難度，非常誇張，「每對鞋都有鞋盒保護，所以要好多空間。」
四洲集團太子女戴凱欣（ Kennis），家中收藏過百對鞋。「以前見到靚就會買，愈買愈多，不過自從試 咗 Roger Vivier呢個牌子，真係好舒服，所以近年買得最多就係佢。」 着得舒服是基本原因外，她對該品牌的經典大扣標記亦愛不釋手。「鞋最緊要舒服，如果 着痛腳，對鞋就算幾靚都係擺 喺度。我覺得佢個扣好 classic，襯到唔同 style，我多數都係買番佢有扣 嘅款，個扣仲係永久保用。」
同款十色
難得覓得心頭好，戴凱欣愈買愈瘋狂，由起初只買鍾情的紫色系列，到近年定時巡舖，每逢新款亦必定入貨，成為 VIP。「每逢有紫色 嘅鞋同袋，佢哋都會預留俾我。依家我耐唔耐就去睇吓。唔知點解，我入親去都好大件事，次次都買到 嘢走。佢啲款好易襯，有個自己鍾意 嘅牌子真係好難得。」短短三年間，珍藏品已急升近百件，當中由經典高 踭鞋、涼鞋，甚至平底鞋都唔放過，同款鞋更有齊十多種顏色，誇張到極。「買買吓連特別款都買埋，好似金色、閃石咁，睇番原來同款都有好多對，有 啲都未 着過。」戴凱欣對鞋款情有獨鍾外，對同樣有經典扣設計嘅袋，迷戀程度亦不遑多讓，單計同款手袋已多達 6個顏色，看來又係時候要擴充衣帽間。
型格尖頭款 $6,500
尖頭款式屬少有類別，襯以絹面銀色孖扣。「雖然係尖頭，但都舒服。」
舒適平底款 $5,300
高踭鞋令雙腳更見修長，估唔到 Chips Buckle平底款式亦成為戴凱欣杯茶。「我好少着平底款，不過呢對好軟好舒服，都忍唔住買咗 3對唔同顏色。」
激罕閃扣款 $9,500
「呢對閃扣好靚，感覺好 girly，不過個顏色有啲難襯，我未着過。」認真豪氣。
限量印花
上:$7,200、下:$26,000
品牌出名愛玩幾何圖案，早前推出的金色印花，戴凱欣一見即買。「呢個 pattern好特別，最啱用嚟襯深色嘢。」
戴凱欣鍾意小手袋，不時拎住閃扣（ clutch）去 ball。近年興起的經典扣銀鏈手袋，她亦愛上，買了漆皮、拼色款，有齊 6個色。價錢由$18,000至$25,000。
戴凱欣於社交圈人面甚廣，有不少名人好友出席她今年的生日派對，當中甄子丹與太太汪詩詩送上她鍾情的紫色蛋糕。
法國鞋王
法國設計師 Roger Vivier曾於 50、 60年代擔任 Christian Dior及 YSL的御用鞋具設計師。 1965年，他以自己名字創立品牌，推出享譽全球的特大飾扣系列（ Buckle），成為經典代表作。 98年 Roger Vivier離世，至 04年，接班人 Bruno Frisoni（右圖）將創辦人的精神繼續發揮，推出限量生產的高級訂製設計師系列（ Haute-couture）。 Roger Vivier一直深受不少名人追捧，除了劉嘉玲、鍾楚紅等外，連英女皇也踏上 Vivier出席加冕儀式。
Roger Vivier
Bruno Frisoni
留言列表
{{ article.title }}
