2001年 12月，劉愷威揸車送廖碧兒返屋企時俾記者發現，笑容尷尬。
當年今周
廖碧兒一場空
僭建處理咗，係咪就唔存在？舊情過去咗，係咪就等如冇手尾跟？事實話俾我哋聽，唔係囉。
周一（ 17日），富二代林忠豪接受電台訪問，終於承認曾經同廖碧兒有過一段情，佢仲話：「當時佢（廖碧兒）同我講冇男朋友，我就冇避忌咁一齊。」不認不認還須認。媽咪姐仲記得，廖碧兒當時因狠撇陳豪，搞到形象插水。
中文唔叻嘅廖碧兒，拍《皆大歡喜》時得劉愷威主動獻殷勤，幫手翻譯劇本，因而擦出愛火花。
不過呢啲嘢，都係自己攞嚟嘅！廖碧兒 2000年選完華姐，即獲無綫欽點拍《皆大歡喜》。 2001年 12月第 334期《忽周》仲影到佢同劉愷威同車，當時男方為女方翻譯劇本，管埋接送，不知幾咁 sweet！即使開花結唔到果，唔緊要喎，廖碧兒之後都搵到「筍盤」陳豪，兩人更被封為「金童玉女」㖭。
可惜 6年戀情因女方背住男友搭上富二代而告終。之後嘅事，大家應該都記憶猶新。廖碧兒同林忠豪拍唔夠半年拖就散咗。入豪門夢碎，連帶事業都停滯不前。
至慘過氣男友依家個個都事業有成兼有個靚女友，你話唔酸溜溜就假啦。搞咁多嘢，到頭來一場空！早知如此，佢應該會狠狠箝實劉愷威或者陳豪囉，如果有早知。
檔案編號第 334期
日期： 22/12/2001
過氣男友情場得意
劉愷威喺內地走紅，仲溝埋國產花旦楊冪，羨煞旁人。
被狠飛嘅陳豪，之後跟陳茵媺拍拖，聽聞兩人好事近㖭。
桃花一個接一個
2004年，廖碧兒跟陳豪拍攝《心花放》時撻着，雖然冇公開承認，但兩人拍拖一直係圈中嘅公開秘密。
至 2010年，女方背住陳豪高調出入富二代林忠豪屋企。後來廖碧兒公開同陳豪劃清界線，「狠撇」行為，令其形象受損。
跟林忠豪嘅戀情維持唔夠半年便告終。沉寂一排，廖碧兒加入香港電視，跟同劇嘅蘇永康傳緋聞。
全站熱搜
留言列表
{{ article.title }}
