泫雅雖然幫 Psy拍 MV而備受矚目，可惜近期無論 MV或廣告，被認為動作意識不良而捱轟。
亞熱帶
魔性之女 金泫雅
南韓女團「 4MINUTE」辣妹成員金泫雅，先以性感 嘅「骨盤舞」響朵，之後跟同門師弟 Beast成員張賢勝組成〈 Trouble Maker〉， 喺台上又摸又啜，一「吻」驚人。
最新單曲〈 Ice Cream〉 嘅 MV，擘腿自摸，極盡挑逗之能事，已俾人詬病話色情，誰不知泫雅愈玩愈激， 喺最新一個啤酒廣告入面，更做出一系列引人遐想嘅動作，雖然低俗，但廣告出街僅 9日，點擊率已過千萬。
有韓國媒體抨擊泫雅過火位。不過你咪理，單靠擘髀已得「天下」。認真厲害。
泫雅人氣勁升，有人認為係客串 咗 Psy〈江南 Style〉 MV之後嘅現象。咁諗就錯，事實上 Psy係睇到佢之前 喺單曲〈 Change〉入面跳 嘅「骨盤舞」及同張賢勝 嘅〈 Trouble Maker〉激情演繹，認為此女「非凡」，先搵佢演出「絲帶佬」 MV。
風水輪流轉，當初 Psy靠泫雅人氣，依家反而變咗泫雅叨「南韓之寶」 嘅光，俄羅斯傳媒封佢為「南韓性感尤物」、英國就話佢可能成為 Psy人氣接班人，更有傳美國想搵佢同 Psy拍廣告㖭。
原本人品清純嘅金泫雅何以今日成「魔」？有傳係受刺激所致喎。今年 22歲 嘅泫雅，原本係 Wonder Girls成員，負責 rap同跳舞，組合於 09年出道，但冇幾耐，泫雅突然以病為由退隊。之後就有傳言話佢因為墮胎俾公司炒魷。傳言孰真孰假，冇人證實，不過泫雅退隊後蟄伏年多，直到 10年成為「 4MINUTE」成員復出。之後泫雅 喺表演台上愈 嚟愈妖、動作愈 嚟愈過火。連代言廣告都一樣賣弄色情。
出道初期嘅泫雅，形象清純得嚟仲帶點土氣，跟依家妖氣形象相比，簡直判若兩人。
泫雅喺最新啤酒廣告入面又擘髀、又自摸，極度挑逗，廣告接獲無數投訴。可是愈鬧愈紅，比另外兩位啤酒女貝荷拉及孝琳版本高出幾倍。
除啤酒廣告俾人抦鑊甘外，最新單曲〈 Ice Cream〉 MV亦被抨擊意識不良遭禁播兩個月。
扮大牌乞人憎
講真，泫雅氣勢雖然強，但「 4MINUTE」人氣喺港澳都麻麻。就講 8月，佢 哋同師弟 Beast喺澳門開騷，上座率只得 5成左右，最攞命係開騷都遲大到， sorry都冇句，辣㷫粉絲，連泫雅 喺台上免費送碟，都冇人上台攞。 11月尾 嘅 MAMA，人人行紅地氈都四萬咁口，惟獨泫雅成副寸樣，難怪佢上台兩次（一次同張賢勝跳〈 Trouble Maker〉、一次同 Psy跳「絲帶佬」）台下反應麻麻。
順帶講多句，嚟緊嘅 1月 5日（ 2013年），香港有個「 AIA K-pop Concert 2013」， 4MINUTE、 Beast及 Apink亦會出席。到時睇吓搶唔搶到人氣啦。
有傳泫雅同張賢勝因合作〈 Trouble Maker〉咀出真火撻着。
早前 MAMA頒獎禮上，泫雅亦上台跟 Psy跳馬舞。
泫雅憑喺單曲〈 Change〉 MV跳出自創「骨盤舞」而人氣急升。
被稱為「火辣女子組合」嘅 4MINUTE，喺韓團中只算二線團，人氣一般。
泫雅 09年初出道時隸屬 Wonder Girls，可惜未幾即稱病退隊。
留言列表
{{ article.title }}
