娛樂八掛大放送★

拍拖斷正即狂嘔Fiona入院避見方大同

緋聞情侶薛凱琪（ Fiona）跟方大同原本連續三日拍住拖開工，可惜 Fiona前晚狂嘔兼發高燒入院，昨日只剩大同獨自出席新城頒獎禮記招。凡事以工作為先的大同，並沒即時探望緋聞女友，只靠電話問候，並澄清兩人關係是熟朋友，沒有戀情發生。

其他娛樂名人影片

新城勁爆頒獎禮將於下月 28日舉行，昨日陳奕迅（ Eason）、容祖兒、方大同、 Twins、關心妍及官恩娜等參與假荃灣舉行的記招，大會率先頒發勁爆播放指數大獎（歌手）予 Eason及勁爆年度專輯予祖兒，過去幾年播放指數名列前茅的古巨基，今年竟然連 12大也不入，更缺席記招。

放大圖片

方大同強調與薛凱琪僅屬好友關係。

放大圖片

再戰樂壇的 Twins今年將孖住出席各大頒獎禮。

Eason祖兒鬥嘴 放大圖片

左起：容祖兒、吳雨霏和陳奕迅昨率先奪獎，三人表現興奮。

Eason獲獎時邀祖兒代講感受，祖兒說：「呢個揭曉獎動作係無謂，陳奕迅係第一位睇到冇感覺。」 Eason向祖兒說：「知你有日一定得。」怎料轉頭祖兒獲獎時即說：「事實勝於雄辯，我做到。」 Eason鬼馬衝上台笑說：「使唔使？」薛凱琪於微博張貼留醫相並寫上前晚狂嘔 30次兼發高燒，緋聞男友方大同懷疑她是食物中毒，他只有致電慰問沒探望，問大同不細心怎做男友？他說：「我唔係男朋友，係好熟朋友，好多人都咁問，問問吓就冇問，知道唔係，屋企人都知。」談到平日早瞓的大同跟 Fiona孖住看夜場，他說：「 OK啦，耐唔耐，有時做騷仲夜。」談到跟祖兒公開舌戰， Eason笑指跟相熟朋友便玩，也認過被前輩歌手指太離譜，至於基仔連 12大也不入， Eason覺得不代表甚麼，也不想再跟基仔名字扯上關係：「我大半世都同古巨基個名扯埋一齊，等我諗過個畀大家講。」談到樂壇新人，他先後將許廷鏗講錯成許廷堅與許廷鏘。首奪專輯獎的祖兒非常開心，也達到今年頒獎禮首個目標，她透露會向公司請假為下張專輯找靈感。另外，祖兒昨到跑馬地出席麥當勞活動，問到楊千嬅因爆粗批評黃偉文（ Wyman）的歌詞而反面，祖兒說：「照常理唔會發生，我不便批評。」

祖兒明撐黃偉文

有指千嬅亦不滿 Wyman將較好的歌詞給其他歌手，祖兒力撐好友說：「 Wyman對幾大幾新嘅歌手都會盡力寫好每首歌。」祖兒又看好蘇永康的《那誰》成為商台至尊歌。採訪：馬建華、李珮洳攝影：黃偉雄、陳慧安


薛凱琪前晚狂嘔發高燒入院，她更拍下自己的病容放上微博。微博圖片

大同拒認女友Fiona嘔吐入院

薛凱琪（Fiona）昨日在微博表示，嘔吐約30多次並入院治理，不忘上載了一張戴口罩的病Look相，令人擔心！緋聞男友方大同昨日獨自赴會時坦言，曾致電慰問，但因出席活動而未能親身探望。記者笑他身為男友不夠體貼，他即澄清說：「唔係男朋友！（點解唔一齊）太熟啦！」他自爆Fiona曾見母親，對方亦知二人只是好友。提到相約睇戲斷正，他說：「睇戲啫！（父母催你拍拖？）父母都知我工作好忙，我都係28歲啫！唔急搵女友！」

薛凱琪

大同向Fiona派檸檬，強調只是好友。