媽咪姐

今日洗咗未？

睇女人每個人有唔同喜好，惹火身材固然吸睛，有人睇眼神，亦有人 focus嘴唇。計媽咪姐話有棚靚牙先最煞食！有冇吸引笑容都係靠晒佢。

陳婉珍　最強茶漬

亮白度︰★
何鴻燊三房太太陳婉珍今年坐正做東華三院主席，忙到不得了，唔只有開唔完嘅會，仲要出席大小慈善活動。周日（ 3日），佢一早出動去新世界單車慈善錦標賽。當日佢主持起步、頒埋獎，仲要逐一接受訪問。三太個樣都好攰吓，個嘴附近生暗瘡之餘，連牙漬都唔得閒去洗，內外徹底清吓好喎！

松岡李那　笑甩棚牙

亮白度︰★★★★★
一向甜到漏嘅日模松岡李那，對住鏡頭經常都笑口噬噬，鬼咁有正能量。周日（ 3日），佢為「莎莎婦女銀袋日」入馬場行騷，谷胸上陣嘅佢，一見閃光燈即笑唔停，成棚牙露晒出嚟，好彩夠白淨整齊啫！

高海寧　一撻二撻

亮白度︰★★
入馬場行騷嘅高海寧，加咗塊喱士面紗，造型夠晒神秘，搶唔少鏡。不過佢開口仲養眼，啲牙唔整齊唔在講，仲有唇膏同黃黃哋嘅牙漬，唔知佢啱啱食過咩嚟呢！

周梁淑怡　騷白牙套

亮白度︰★★★
自由黨主席周梁淑怡孖住老友入馬場，當日佢化到個嘴紅噹噹，咁唇紅就梗係齒白啦。不過，細睇之下，部分牙齒原來戴上牙套，啲排位仲好似怪怪哋㖭！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄