8月尾，張惠妹 响天津開巡迴站個唱，你都有眼睇，一日三杯百香果 QQ綠茶，消夜食牛扒，加埋愛情滋潤，就會變成咁 嘅樣！
國台扮
張惠妹爆肥真相
肥，本應唔係罪過，偏偏呢件事 响阿妹張惠妹身上發生，慘被中港台歌迷圍插。
由今年年頭開始，阿妹明顯時肥時瘦，脂肪囤積高峰期，係 9月底亮相國內收視勁爆節目《中國好聲音》壓軸嘉賓，著住條黑色直身裙上台，水桶腰遮不住，肥到冇下巴，即晚成為微博討論插爆熱話。
同調酒師阿 Sam感情穩定，幸福，導致阿妹體重急劇上升，不過，致肥原因仲有一個！
牛扒做消夜
做得台灣天后，阿妹 嘅工作壓力絕對唔講得笑，生活日夜顛倒唔在講，平日鍾意同朋友聯誼 嘅阿妹，就算幾夜收工，都會同佢班夜鬼朋友傾偈吹水吹天光。
有覺唔 瞓，阿妹覺得唔係問題，因為平日工作已經咁忙咁大壓力，難得可以同朋友一齊輕鬆吓，冇理由返屋企陪周公。
生理時鐘錯晒，阿妹就算 响屋企都係眼光光唔願 瞓，成晚流流長，肚餓，唔出奇，奇就奇在阿妹會叫醒工人，開爐煎牛扒俾佢做消夜，真係想唔肥都難！
今年 5月一度瘦番些少 嘅阿妹， 嚟香港巡迴（上圖），有腰有腿，去到 10月尾武漢站，同一件衫，即刻逼到爆。
9月底亮相《中國好聲音》，阿妹件黑衫，依然遮唔住身上肥肉，加埋肥到冇下巴，難怪有國內口痕友話佢有 咗。
食唔停口
至於第三大致肥原因，係阿妹同調酒師男友阿 Sam感情愈來愈穩定，女人幸福最易肥，更何況男友冇投訴，阿妹自然食得安心又放心。
集合三大重點，估計令阿妹肥 咗足足 30磅，不過，最最最致命傷，原來係佢迷上台式飲品店推出 嘅「百香果 QQ綠茶」。
聽講阿妹一日內可以自隊三大杯，開工前要助手買定一杯，開工期間又要飲一杯，收工返屋企經開飲品店，又要買多杯，通常仲會買埋一大堆鹽酥雞甜不辣邊飲邊食。
根據營養師分析，一杯百香果 QQ綠茶，熱量高達 806.4卡路里，相等於 2.9碗飯，如果一日三杯夜晚仲要食牛扒做消夜，唔肥，我跟你姓。
一直縱容阿妹食食食 嘅經理人，忍無可忍開聲要佢戒口減肥，事關今年除夕跨年晚會，大會已落實阿妹拍住郭富城，兩地天王天后一齊同市民倒數，城城身形一向 fit到漏，試想像阿妹一行埋佢身邊，到時畫面一定好恐怖，趁仲有個幾月時間，阿妹，唔該你減吓啦！
同阿 Sam嘅地下情逐步浮面，男友又冇投訴佢肥，阿妹更加大條道理食食食。
肥到谷爆胸，除夕仲要同城城同台出席「 2013台北最 HIGH新年城」倒數活動，再肥落去，真係好難想像。
點解咁似樣？
台灣娛樂圈整容風潮，就快拍得住韓國，但大家來來去去都係整同一款眼、同一款鼻、同一款下巴，結果，想唔撞面都難。
兩位飛輪海成員炎亞綸、汪東城，擺明個樣有蠱惑，最離奇係兩個愈整愈似樣，不過炎亞綸死口話自己怕痛唔敢動刀，汪東城解釋身體髮膚受諸父母，唔會做對唔住屋企人 嘅事，變靚 啲全靠化妝效果，咦！謝安琪都係咁講 㗎喎！
兩兄弟，就快變成孖生兄弟，甚至多 咗個家姐，變成三胞胎。
盛傳係變性人 嘅台灣主持利菁，今年元旦日聲稱過度工作不適入院兼停工，但有傳佢因為過度抽脂導致急性腎衰竭，仲成日打玻尿酸執樣，利菁愛靚唔愛命，繼續不停整整整，近來更集中火力，僭建鼻樑，加上改變形象以劉海短髮示人，望真 啲，同鍾意整鼻 嘅炎亞綸、汪東城愈望愈似樣，三胞胎？驚！
三個不約而同集中火力整高個鼻同個尖下巴，救命，似到大家阿媽都唔認得！
利菁
炎亞綸
汪東城
台灣驚爆
女星屍油招桃花
上個禮拜，台灣雜誌驚爆圈中有多位女星，為 咗加強人緣桃花運，居然買嬰屍油傍身，據聞出身自黑澀會 嘅瑤瑤，都係嬰屍油忠實粉絲。
台灣人出名大迷信，成日四圍去拜神，拜到冇 嘢好拜，連嬰屍油都 啱。台灣女星楊繡惠上個月上綜藝節目《女人好犀利》時，自爆經朋友介紹，獲泰國高僧於嘴邊擦嬰屍油增強桃花運。搽嘴當潤唇膏，聽落已經夠恐怖，雜誌記者到出售嬰屍油 嘅店鋪，收風知道瑤瑤係佢 哋熟客，直頭有支嬰屍油跟身，幫佢擋小人增桃花，價錢大約萬幾蚊台幣一支仔。為 咗要紅，真係無所不用其極！
左起：瑤瑤， Apple
响黑澀會紅唔起，今年年初瑤瑤拉埋家姐 Apple，一齊剝衫出寫真攻宅男市場。
盛傳瑤瑤買嬰屍油傍身谷桃花，佢立即否認有關報導：「認錯人啦！」
兩姊妹相比，瑤瑤受歡迎程度的確好過家姐，舊年佢 嚟香港參加動漫節，連十零歲仔都上台爭住同佢合照！
留言列表
{{ article.title }}
