Audi A1 185 變 220匹　 A1 爆辣心臟－娛樂八掛大放送★

185變 220匹　 A1爆辣心臟

改車玩法各有不同，有人要誇張出眾，出到街人人眼甘甘望住佢架車，乜嘢滿足感都返晒嚟；不過亦有人鍾意玩低調，不知不覺，要細心搵出它與別不同嘅地方。今次呢架 Audi A1絕對是後者代表，睇表面與原裝直版有乜唔同，真係要花多少眼力，不過只要親身感受，自然發現它潛藏着不一樣嘅辣椒本領。記者：趙慧敏攝影：譚盈傑Model： Rika@GME車輛提供： TW Autosport Limited（ 2142 0005）

外表完美　主改性能

Audi推出 A1時，擺明車馬以潮人為目標，老實講就係形象行先，對於啲愛享受高性能駕駛嘅一眾潮人，自然覺得唔多夠。好彩車廠之後就推出 185匹 S Line版，馬力來個大躍進，自然吸引一批追求速度嘅潮人追捧。至於呢位車主，新愛驅落地幾個月，對其外形簡直有讚無彈：「 A1本身設計已經好靚仔，尤其係 S Line版，包圍裙腳都做到好靚，而且原裝已經有質素唔錯嘅賽車 Seat，要喺外形玩花臣，老實講，真係無乜地方落手。」不過對改車早已泥足深陷嘅佢，要落手豈會沒有地方，所以今次就主要集中在性能上搞搞新意思。

放大圖片
■車主為了選用 Neuspeed合金輪圈亦花上不少工夫。

■車主為了選用 Neuspeed合金輪圈亦花上不少工夫。

放大圖片
■雖非桶座，但狂飆時一樣有十足安全感。

■雖非桶座，但狂飆時一樣有十足安全感。

碳黑輪圈超難求

至於唯一在外觀上明顯改裝的，非一組 RS18吋合金輪圈莫屬，碳黑色輪圈為令原來紅色小辣椒更增加野性美。原來車主訂購這套 Neuspeed軨亦花上不少工夫，因為輪圈屬較偏門嘅美國品牌，它針對 A1性能推出這款輪圈，車主為了令 A1更加完美，當然抱住非要不可的心態，不過過程相當轉接，事關這個品牌在香港並沒有代理，雖然他曾向北京代理訂購，不過卻因稅款問題，令輪圈售價大增，最後向美國廠方多番要求下，對方才願意直接賣給他，「以萬零蚊價錢可以買到套完全 Fit晒 A1嘅軨，就算麻煩啲都係值得。」車主滿心歡喜地說。

放大圖片

放大圖片
■雖然是單邊雙出式排氣喉，但外形十分有睇頭。

■雖然是單邊雙出式排氣喉，但外形十分有睇頭。

放大圖片
■內櫳火紅飾面，與外形襯絕。

■內櫳火紅飾面，與外形襯絕。

放大圖片
■拱形儀錶板是 Audi嘅獨特設計。

■拱形儀錶板是 Audi嘅獨特設計。

馬力增加 35匹放大圖片
■改裝後 A1由 185匹增加至 220匹馬力。

■改裝後 A1由 185匹增加至 220匹馬力。

雖然 A1高性能版已經有 185匹馬力，不過車主仍覺得稍不足，於是用上 Swiss Chipbox，令它由原來 185匹增加 35匹至 220匹馬力，再配上電流增壓器，性能追上福士 GTI，車主話：「以 A1原裝嘅車重同動力，基本上去到 150-160km/h，加速已經要拖慢，家改一改，去到 230km/h一樣爽住咁飆去。」至於懸掛亦因此要作適量調節，這款換上 KW V3系列絞牙避震機連彈簧組合，可因應路面情況調校車身高低同吸震，令攻彎時動作更加流暢紮實。雖然香港地似乎無乜適合路段又或機會跑到 230km/h，不過改車這玩意，就是要滿足為每輛車追求極速嘅慾望。

放大圖片
■車主換上 K&N高流量風隔。