姚錦成范信基「欖」住搵食－娛樂八掛大放送★

姚錦成范信基「欖」住搵食

電影《作死不離三兄弟》感人肺腑，港欖猛男姚錦成（阿成）及范信基（基仔）就組成「凹凸兄弟」勇闖商界！阿成及基仔兩名港隊華將，近日合資開設「4touch」欖球公司。兩兄弟性格一凹一凸，擦出意想不到新火花，今次他們誓要商場達陣，賺錢兼幫人！

以「菠蘿頭」成為港欖隊「icon」的「基仔」范信基，談吐招積，接受訪問時十足大老細，更最愛「窒」細近4年的「阿成」；偏偏「阿成」單純老實，夠敦厚，被窒至「口啞啞」亦一笑置之，更難得的是，這兩位「凹凸隊友」搞起生意有紋有路。

自創新訓練方法

半年前「基仔」突然希望開設欖球公司，更自創「4touch」欖球訓練方法，改善目前於中、小學流行但缺乏基礎的「Try Touch」訓練，故與隊友姚錦成「傾傾吓」就將奇想付諸實行。

問「基仔」為何找這位港隊隊友做拍檔，他笑稱全因對方「得閒」：「最重要係佢無嘢做，一定有時間，哈哈。」二人今年7月榮升老闆，各自投資5位數字成立4touch欖球公司，向學校及機構sell專業欖球訓練、賣「拉筋帶」和自家設計波衫。「其實係我同佢都有共同理念，想幫香港培訓一班運動員接我哋班。」大老闆「基仔」補充說。

兩人均為運動員，「基仔」指初入商界幸有龐大網絡支援：「其實打開Rugby有一定的人際網絡，當然，由資料搜集，到設計、生產，上廠睇辦，一切都要親力親為。最難的反而是做熟人生意，不好意思收太貴。」此時，一直負責介紹公司的「基仔」，突然笑稱要說話「有懶音」的「阿成」負責宣傳公司賣點，一直專心網上業務的他怕羞笑言：「做乜突然叫我講嘅？我哋賣點係要幫到人，希望少運動嘅香港人可以多用拉筋帶放鬆，唔係只想賺錢。」

阿成主外基仔主內

一個精靈，一個老實，分起工來，卻各有所能。「Man到爆」的大隻仔「阿成」負責對外見客傾生意，客串Model示範拉筋動作；至於剛轉任欖總地區發展教練的「基仔」學過設計，負責設計波衫及宣傳工作。

兩兄弟笑稱合作無分歧，但一邊訪問，一邊為貨物貼條碼紙時，「阿成」則埋怨說：「呢啲咪我做得多囉，佢將啲貨放晒喺我屋企呀！」一個願打一個願捱，兩位「凹凸兄弟」正本着這條道理才得以於商界上合作無間，更期望半年內回本，再發展到外國為拉筋帶加工，將盤生意發揚光大。

4touch 點玩?

4touch為一種以比賽式訓練欖球基本功的方法，與非撞式欖球（Touch Rugby）相似，但只需四分一個欖球場，以及4個球員一隊便可出賽。賽事中防守球員以輕觸對手阻止進攻球員前進，被輕觸的進攻球員必須停止跑動並將球放在地上交予隊友，球隊傳球達4次仍未能達陣即更換發球權，一改目前香港流行的Try Rugby中不設傳球限制的訓練方法，提升初學者基本功。

詳情可瀏覽 http://www.4touch.com.hk；

或上http://www.youtube.com/4touchsport 短片教學

范信基

出生日期：84年11月10日

出生地點：香港

身高：1米70

體重：65公斤

球會：DeA Tigers

職業：香港欖球總會地區發展教練

姚錦成

出生日期：88年2月4日

出生地點：中國廣東