鄭融的新碟將於四月推出，日前她為新歌＜Kiss　Kiss　Kiss＞拍攝MV，鄭融於MV中，就大玩高雅路線，化妝方面亦嘗試較誇張的彩妝，令鄭融及歌迷同樣感覺到新驚喜。而為了拍好MV，造型師為她準備了兩套性感大露背白長裙外，導演更準備了一小舞台及高櫈，要她穿上五吋高跟鞋，如音樂盒內的小天使般自轉。不過唔知係咪轉嚟轉去，轉到鄭融頭都暈埋，拍攝時就不慎失重心，由五呎高台墮地，見鄭融雙膝跪地，用手遮面，工作人員即時嚇呆，幸好鄭融只是受了輕傷，不需休息就即時再拍過。

事後鄭融就話：「我頭先跌落地嗰陣，第一吓就諗，唔可以整花塊面，因為怕毁容外，又怕個妝花咗，要落妝又上粧，花好多時間，又會影響咗拍攝進度，所以我嗰刻覺得手腳受傷都可以接受，個樣真係唔可以有任何閃失，要用手護住個樣。」今時今日，呢個工作態度咪就係very good囉！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄