07年出道的組合糖兄妹，因為新碟封面而人氣急升，樣貌娟好的糖妹獲封為新一代高登討論區女神，連兩人戀情也被高登仔評頭品足。正當人人同情糖兄做糖兵，偏偏他有拍拖六年的女友。女神糖妹青春無敵，卻呻冇拖拍兼食檸檬。上得高登，真係別太認真。　撰文：李珮洳

二人組合糖兄妹的糖妹黃山怡（ Kandy）近期升呢成為高登討論區新一代女神，講到這個話題，糖兄（潘雲峰）說：「話說因為糖兄妹一隻專輯放喺 HMV賣，我個頭咁啱俾個 110蚊嘅黃色圓形貼紙遮住，就係咁開始，引起網民討論我哋。」

放大圖片
糖兄於唱片封面上的樣貌被價錢貼紙遮掩着（右圖），但他表示不介意。

糖兄於唱片封面上的樣貌被價錢貼紙遮掩着（右圖），但他表示不介意。

放大圖片

 

讚高登仔創意高

一隊出道三年的組合突然被高登網民惡搞，不時將糖兄醜化，指他想力追糖妹，繼而為他改名為糖兵，糖兄不怒反笑說：「覺得佢哋好勁、好有創意，有時睇到佢哋將我哋移花接木啲相，我笑咗，特別係將我同阿妹個頭調轉嗰張。」原來糖兄一直都是高登 fans，他自爆有幾個 account：「有時我會喺網民寫我哋嘅 post度留言，當然我唔會話畀你聽我用乜嘢名啦，只係會寫『哈哈哈！』再加個哈哈笑公仔。」對於自己的樣被貼紙遮住，糖兄完全不介意，他舉例說：「好似日本嘅 Every Little Thing個製作人，好多時喺隻碟度係 blur到睇唔到個樣，一隊組合唔一定要成隊人並排咁喺隻唱片封面上邊。」糖妹 Kandy近日升呢成為高登女神，對此榮耀她不敢高攀並笑說：「我唔覺得自己係女神喎，女神嘅定義係上圍比較大，我又冇長腿，我心目中嘅女神係 Angelababy同周秀娜， Baby少女啲、周秀娜係性感嘅 icon。」

放大圖片
糖妹於拍攝時表現一絲不苟，務求擺出與陳慧嫻當年一樣的甫士（右圖）。

糖妹於拍攝時表現一絲不苟，務求擺出與陳慧嫻當年一樣的甫士（右圖）。

放大圖片

 

冧男模求愛不遂

講起糖兄被指想追糖妹，他坦言有一位拍拖 6年的女友，且有結婚的計劃。 23歲的 Kandy則表示恨拍拖，更自爆曾向一位男模特兒表白：「我鍾意一個人就會講，咁耐試過表白兩次，唔好以為女追男好易呀。之前一個就拍咗幾年拖，第二個男仔聽完我表白即時 dead air冇出聲，仲話大家都係呢一行，唔好一齊，我求愛不遂。」此外， Kandy入行以來被指貌似陳慧嫻，她聽過這番說話很多次，不過糖兄即反駁說：「陳慧嫻靚好多。」 Kandy指有人認為她似郭羨妮、陳嘉寶（ Anjaylia）及官恩娜。

重演慧嫻《反叛》 Look 放大圖片
糖妹出道以來被指與陳慧嫻相似，她日前更模仿慧嫻《反叛》唱片封套的造型（圖）。

糖妹出道以來被指與陳慧嫻相似，她日前更模仿慧嫻《反叛》唱片封套的造型（圖）。

由於糖妹（ Kandy）一直被指似陳慧嫻，所以今次要求她扮演陳慧嫻其中一隻大碟《反叛》的造型。拍攝時 Kandy表現得十分認真，為了出來的效果更理想，她事前將一頭長髮紮起。《反叛》的唱片封面當年是於柏麗大道取景， Kandy亦應邀到同一地方拍攝。影相前， Kandy主動要求看清陳慧嫻擺的甫士，就連手的擺位都希望跟足慧嫻的唱片封面。

娛樂資料庫：倒模生力軍

江山代有人才出，一代新人似舊人。雖然當今樂壇生力軍的實力，遠遠比不上八、九十年代的前輩，但至少樣貌也有幾分相似。糖妹 vs陳慧嫻糖妹經常被笑似剛出道的陳慧嫻，同樣是天真活潑類型。說到底，最似的還是兩人的身高。

蔡卓妍 vs許秋怡蔡卓妍（阿 Sa）和許秋怡基本上是一個餅印，不過阿 Sa要唱《現代愛情故事》就要找舞王陳偉霆拍檔，希望他們不要像前輩一樣分手收場。

放大圖片

 

放大圖片

 

G.E.Mvs甄妮實力見稱的 G.E.M（鄧紫棋）和甄妮，同樣被冠為「巨肺」，除了本身擁有無窮無盡的氣之外，也擁有驕人的身材。

放大圖片

 

放大圖片

 

衞蘭 vs杜麗莎杜麗莎是中菲混血兒， 衞蘭更溝多一點韓國血統。不過講到中氣及火氣，當然是薑越老的辣。資料來源：《蘋果》資料室

放大圖片

 

放大圖片

 




糖妹出道以來被指與陳慧嫻相似，她日前更模仿慧嫻《反叛》唱片封套的造型。　攝影：陳志嵐

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄