娛樂八掛大放送★

林峯連續兩年奪得亞太區最受歡迎男歌星獎後，下月終於殺入祖國，在廣州舉行演唱會。昨日他專程返廣州出席記者會，但個唱日期撞正台灣舞王羅志祥在當地開騷，林峯直言跟對方歌路不同，即使對撼也冇有怕。

經過農曆新年假約十日休息後，林峯昨日精神奕奕地到廣州出席記者會，宣佈下月 5日在廣州體育館舉行演唱會，現場有 fans為他打氣，又送上親手做的揮春和開香檳，預祝演唱會大賣。

自稱唱歌為主 放大圖片

眾廣州歌迷向林峯送上親手做的揮春，預祝他廣州演唱會大賣。

林峯趁新年假期返回廈門家鄉探親兼休息，他表示農曆新年大多返去跟家人度過，更謂今次是近年最長的一次假期，故相當珍惜。問到有否遭親友催婚？林峯笑說：「父母就已經冇，但係親友就有，但係呢啲嘢都逼唔嚟，不過我都有派利是，因為我係屋企大哥。」他又笑言今次沒有人逼他去相睇，但父母就嫌他太瘦要他狂食，結果十多日就肥了三磅。除了在香港、新加坡和即將在馬來西亞開演唱會，林峯終於殺入祖國到廣州開演唱會，他坦言很開心，表示演出程序大致和香港一樣，也希望再請徐子珊和吳卓羲做嘉賓，但要視乎他們的檔期，同時考慮會否請其他嘉賓。不過林峯廣州演唱會當日，台灣舞王羅志祥也在當地開騷，問到會否擔心外界拿兩人比較？林峯說：「真係唔太擔心，因為大家都唔同類型嘅歌手，雖然我都會跳舞，但其實都係唱歌為主，但佢就又唱又跳，反而我希望大家嘅演唱會都大賣。」問林峯會否想在內地甚麼地方再開騷？林峯表示一切由公司決定。

情人節約會滿 放大圖片

台灣舞王羅志祥跟林峯同日在廣州開騷，林峯認為歌路不同不怕搶客。資料圖片

今日是情人節，林峯檔期幾乎爆滿，不過約會對象並非異性，他說：「因為下個月出國語碟，我已經派咗第一首歌，所以聽日全日去電台宣傳，夜晚又要出席公司春茗，情人節會同好多人一齊過。」撰文：葉雪


林峯經過十多日的年假後，昨日正式開工，充電後果然精神奕奕。