媽咪姐
恭喜發財之藝人封多少？
只要係有童年嘅人，都應該喺新年講過呢一句——恭喜發財，利是𢭃來！可見利是喺大家心目中，一開始已經佔據住一個幾咁崇高嘅地位。講真吖，媽咪姐依家收到老細呀奶奶呀其他長輩嘅利是，都一樣鬼死咁高興㗎！
所以呢，一眾人面廣嘅明星名人年年都大派利是，禮多人不怪吖嘛，而且個個有心思。出錢出力，咪就係呢種囉！
葉玉卿 利是派美金
嫁咗去美國做闊太嘅卿卿話：「我哋習慣年初一派利是，只派一日。仔女呢，我會俾一千蚊美金，因為想趁新年，俾多啲零用錢佢哋。其他通常俾一百蚊，最少就俾十蚊美金。」咦，想攞「金」，真係要校啱時間先得！
鄺美雲 大師出手
薛家燕 五色財神
家燕姐話 6年前印咗呢批女財神利是封，之後覺得事事順利，所以依家每年都俾幾百蚊印一千個入利是，「我派利是分 5級制， 5種顏色嘅紙幣都有㗎！」咦，咁點分呢？家燕姐話佢自有辦法喎！祝大家好運呀。
麥玲玲 派「人仔磚」
密密返內地幫人算命睇風水嘅麥玲玲，工作不忘老公何德，年年幫另一半準備埋同系列唔同姓氏嘅利是封，而利是餡就「升呢」轉派「人仔」，封封一百！嘩，睇吓師傅面前嗰幾嚿「人仔磚」，俾佢哋揼中就發達咯。
徐子珊 靠晒阿媽
今年徐子珊有份拍賀歲片。未嫁嘅佢，亦大派印有自己個樣嘅電影精品利是封，「今年俾咗 5位數字阿媽幫我封利是，點派同派幾多，都係佢話事㗎。」聽阿媽話有運行呀，叻女！
王梓軒 愛心童趣
同家燕姐大女傳緋聞嘅創作歌手王梓軒，一樣未婚派利是，佢啲利是封全部都係「紅十字會兒童利是封設計比賽」嘅得獎作品，「我最鍾意呢啲利是封充滿童真！」封利是之餘，仲可以做埋善事，難怪家燕姐對佢都好滿意！
陳冠希 中指招財
做咗時裝舖老闆嘅陳冠希（ Edison），今年同美國潮牌合作出利是封，整咗款不文招財貓，夠晒玩嘢！問 Edison會派幾多錢利是？佢話唔講喎。咁算囉！媽咪姐希望你生生性性做人，真正結婚派利是啦。
許紹雄 三級制
有「 Benz雄」之稱嘅許紹雄，當然夠晒資格大派利是！「派利是呢家嘢，我分大、中、細三種，最大封$500，之後係$100，再到$50！」佢連利是封都分埋大、中、細㗎，咁就包唔會搞錯，叻！ 
留言列表
{{ article.title }}
