上流滙
釣大鱷
鱷魚生性兇猛，但當鱷魚皮化身成手袋後，就頓時變成名媛恩物。蛇年未必要孭蛇皮袋才叫應節，孭得起鱷魚皮袋才是身份象徵。釣大鱷幾時都係名媛的終生目標。
Long Clutch
$13,000
以往只限於配襯晚裝、派對服飾的 clutch bag，近年愈來愈普及。較傳統的長形設計，女人味濃得來亦型格十足，容易 carry。
琦琦有型突出
Ricky評：「琦琦個襯法好搶眼，紅撞藍唔係人人襯到，處理得唔好會好娘。佢身形咁高䠷，將紅色西裝演繹得好好，同時又突出個藍色 clutch，好有名模風範。」
Nancy Gonzalez
李桂蘭清新優雅
Ricky評：「 Olivia一貫名媛風格，湖水藍斜膊晚裝好得體，令佢更見修長。皮帶同手袋以銀灰 tone on tone配襯，感覺優雅舒服。」
Hermes Birkin
炒價 40-150萬
有錢未必買到的 Hermè s birkin，是社交圈身份象徵。論皮款，鱷魚皮絕對是尊貴代表，入門價 40萬，由於貨源極少，炒價高見百萬。 
蔡李惠莉高貴斯文
Ricky評：「蔡太 嘅桃紅 birkin好 sharp，襯埋佢一向 formal嘅打扮，斯文貴氣，係好多阿太 嘅一貫襯法，好 啱佢身份。」 
徐子淇母心思配襯
Ricky評：「徐太刻意將紫色 birkin襯同 tone花衫，再夾埋手錶、珠寶，貴氣十足，肯定花咗唔少心思。」 
邱德根新抱穩陣大方
Ricky評：「邱太（邱吳惠平）個藍色 birkin幾特別，不過唔算好 sharp、好靚。全黑打扮過於穩陣，感覺沉實 咗 啲，襯番淺色衫會更起眼。」
Knot Clutch
$25,000
Knot clutch設計輕巧，手工精緻，成為 ball場 must have item。缺點是容量太小，只能放紙幣、吸面油紙、身份證、小唇膏等小型用品，有形無實。 
Bottega Veneta
翁嘉穗打扮保守
Ricky評：「佢打扮頗保守，深色長裙令鮮黃 clutch更顯突出，不過包到實 嘅長袖設計，顯得佢好細粒，露啲手肩出 嚟會好好多。」
Chain Bag
$23,000
Clutch配上鐵鏈變身成為斜孭小手袋，加入金屬元素，感覺硬朗型格，增添年輕氣息，大小場合亦可大派用場。 
Nancy Gonzalez
馬詩慧大膽前衞
Ricky評：「 Janet一向以型格見稱，藍襯啡撞出溫暖氣息，再襯以金色 嘅鱷魚皮小手袋，好 trendy，咁細 嘅袋放 喺高妹身上一樣好睇。」
要潮揀鮮色
鱷魚皮是皮革中的矜貴代表，近年不少大牌推出鱷魚皮產品，而將色調玩到出神入化的紐約品牌 Nancy Gonzalez，更自設鱷魚場。 Ricky指：「鱷魚皮令人感覺高貴，同時亦較易變得老餅。如果配襯得宜，唔一定只適合阿媽年齡。可以揀 啲外形較細，顏色鮮艷 嘅漆皮，感覺潮 啲。忌揀黑、啡嘅啞色，老氣到 啱阿 嫲用。」
星級形象指導郭慶彬（ Ricky Kwok），早前被邀到巴黎時裝周欣賞 Chanel等大牌 fashion show。近年他由形象指導變身為老闆，於銅鑼灣開設時裝店。 
留言列表
{{ article.title }}
