老公變番靚仔，何超講過話唔擔心佢偷食，家老公沉迷入定，晚晚喺屋企玩幾個鐘，何超放心晒啦！《蘋果日報》圖片

潮人有時真係估佢唔到！何超儀和陳子聰兩公婆、一個專拍Cult片，一個係24味rapper，潮icon最近竟然沉迷一門道家功夫「入定」。
入定係高深學問，但據傳陳子聰原來已玩到出神入化，仲同身邊朋友講可以靈魂出竅同先人溝通，試過同梅姐梅艷芳傾偈。未算神奇，最近子聰法力更上一層樓，竟自稱連死物都可以溝通到，好想知同垃圾筒有咩好傾呢？


37歲何超儀一直都處於潮界尖端，經常孖住Wyman同徐濠縈出席大小時裝騷。同40歲老公陳子聰03年結婚，恩愛至今，二人都鍾情音樂兼着衫有品味，娛圈中潮夫妻除咗徐濠縈同Eason就數到佢哋！

入定瘦身
但最近有傳兩夫婦唔只潮，仲玩埋另類「入定」異能，傳兩人3個月前經朋友介紹認識一門道家功夫「入定」，陳氏夫婦之後相當沉迷。「Joise見人就講入定有幾正，仲話家身形好fit，得80幾磅。」知情者說。而最近何超出席公開場合時，體態真比之前更slim。何超四圍推介，原來陳子聰先係高手，據他身邊人說：「佢話可以靈魂出竅喎，仲話可以同梅姐傾偈，叫我哋一齊玩。」據知陳子聰最近狂煲阿梅舊歌，以便同阿梅有更多話題。唔只同先人通靈，最近連死物都可以溝通，更曾表示：「我同垃圾筒都有偈傾呀！只要入定咗，想同乜傾偈都得！」陳子聰下一步應該可以練仙，神蹟呀！

神交阿梅



垃圾筒談心

 
除咗同阿梅通靈，陳子聰還同朋友表示最近仲可以同垃圾筒偈傾。


肥瘦相間


玄學家：好易走火入魔
據司徒法正兒子、玄學家司徒法基表示：「入定類似打坐。可以解作集中精神，佛家、道家都有入定。可以將精神提升到心無雜念，從而靈魂出竅。道行高者可以同先人溝通。不過過程中好容易接觸到唔好嘅氣場，有可能係邪靈。所以進行入定，最好有師傅同場。如果唔係好容易走火入魔，嚴重嘅會做出傷人行為。但垃圾筒係死物，無靈體，絕對無可能同佢通靈、同佢傾偈。」

各有各拜
娛樂圈屬偏門，所以好多圈中人都有唔同信仰，但求心安理得，拜神、甚至養鬼仔都有，迷信唔係師奶專利，除咗潮人何超夫婦（左）玩入定，栢芝都會拜四面佛，連佢前夫謝霆鋒都被傳種生基。

劉華嫂　拜蛇神佛
有傳劉華為求得子，02年開始每年都同太太朱麗倩到吉隆坡天福宮拜蛇神。

栢芝　信筍笛佛
一向迷信嘅栢芝，自同霆鋒離婚後，對泰國一眾神佛，深信不疑，更有傳佢為求事業順利，上年10月開始篤信筍笛佛，佛牌不時掛喺心口。更喺家裏供奉12邪神。

霆鋒　種生基
02年霆鋒受頂包案困擾。有傳其母親狄波拉搵玄學家俞志麟，更攞埋霆鋒着過嘅衫、褲、鞋襪畀師傅，喺廣西秘穴內作法。 ####




MV撻着
97年當時身形fit到漏兼係model嘅陳子聰，同梅姐拍MV〈抱緊眼前人〉，之後更有傳拍拖。


何超、陳子聰兩夫婦除咗潮仲相當好動。08年更用2房藍瓊纓名下的遊艇開船P，招呼半百朋友出海。《忽然1周》圖片


據傳陳子聰最近為咗於入定後同阿梅增加話題，陳子聰常聽阿梅舊歌。




 


 


最fit 160磅 01年當時做模嘅陳子聰，44吋胸、8嚿腹肌，係女都嗒糖。《蘋果日報》圖片


最肥240磅自同何超儀拍拖後，身形不斷腫脹，03年結婚後更變本加厲，終於由大隻佬變大肥佬。


翻fit 170磅因健康問題減肥，日日跑步兼飲濃湯菜汁，由250磅減到得170磅，變番靚佬。


司徒法基師傅話入定道家、佛家都有，首先要心平氣和，之後心無雜念就可以元神出竅。


司徒法基、司徒法正
















 



 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄