20歲小巨肺林欣彤（Mag）唔靠胸前「事業線」，人氣依然keep住有，大把客仔等住搵佢拍廣告、出騷，連邵氏新戲都有佢份，恨死唔少姐仔、o靚模。
上周日（12日）早上，馬會用9萬騷價請佢做「國泰航空香港國際賽事」嘅表演嘉賓，連唱2場，共4首歌，包括成名作〈A.I.N.Y.愛你〉及〈Heros〉。唱完歌，Mag再趕到旺角拍新戲《我愛HK開心萬歲》煞科戲。不過唱歌就話係Mag嘅老本行啫，講到拍戲，佢就唔多掂喇。好似當日佢先同陸永拍場行街戲，短短幾句對白都NG咗6次，兼要助導教佢走位。睇嚟佢都要多多鑽研演技。

 


NG咗幾次，陸永成個樣都吽晒，阿Mag就一臉唔好意思。


簡單一場行街戲，阿Mag竟然NG咗6次，仲勞動到助導教走位。


好不容易拍完一場戲，阿Mag即換上動漫人物凌波麗嘅制服出場，其貼身胸前迫爆造型引起一陣嘩然。


阿Mag呢期紅，連歌酬都幾級跳，今次為馬會演出有9萬落袋，不過佢就唔肯正面回應：「騷價有幾多，公司冇同我講。但我好開心可以喺呢啲大騷表演，可以吸收多啲經驗。」嘩，PR腔到佢呢。


梁家輝當眾搞女


男主角梁家輝當日都在場，不過佢居然喺眾目睽睽下，無喇喇幫個小妹妹演員寬衣，睇到媽咪姐呆咗。原來家輝係怕小妹妹着住件cosplay太焗束，所以幫佢解扣抖吓氣啫。


李治廷現形
唔單止阿Mag嘅造型引起嘩然，一身李小龍裝束嘅李治廷，下體輕微現形，但已搞到全場異性動物打雀咁眼實。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄