孤獨晚飯，打扮樸素嘅方健儀刻意坐埋一邊，面壁獨擦48蚊個嘅海南鷄飯。

近年唔少主播好似趙海珠、林燕玲等做幾年就唔撈，跳槽去金融公司做「輪后」，sell市民炒窩輪，月入十幾萬，好好賺。大家可能好欣賞佢哋搵咁多錢，但FBI反而欣賞一向正氣嘅方健儀（Akina）貫徹「正氣」作風，跳槽ICAC做公關。月尾就要離開TVB主播崗位，方健儀嘅女主播生涯進入倒數期，我哋呢啲日日睇新聞，又一直覺得方健儀淡定大方又專業，梗係唔捨得啦，估唔到連佢自己人未走，已經開始懷緬。


上星期FBI喺晚飯時間撞到方主播一個人喺太子大廈快餐店食海南雞飯。一向低調嘅佢雖然已經素顏戴眼鏡，全程垂低頭玩電話，都俾收銀阿姐認得出，開心到好似撞到當家花旦一樣撩佢吹水。之後FBI仲喺佢嘅微博發現佢上載咗好多主播歲月舊相，FBI好唔捨得佢呀。 ####

 
女主播光臨中環間「can.teen」全程素顏戴眼鏡，又耷低頭玩電話，食飯時間一樣咁忙。


近日方健儀接連上載主播舊相，緬懷那些年。

 

 
最近跟老公同TVB同事喬寶寶去重慶大廈食咖喱，貫徹方健儀嘅樸實作風。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄