BMW 1系 Coupe　輕嘗 156匹小跑－娛樂八掛大放送★

BMW旗下嘅 1系，本來攻打揭背細車市場，但近年變種新款越出越多，由開篷、五門揭背到雙門 Coupe都有。新到嘅 120iA Coupe，香檳金色流線外殼，暢遊藍天白雲下，毋須瘋狂馬力，少少哋踩住 156匹，已足夠你陶醉於天地之間。記者、攝影：徐影龍Model： Kinki@Pure Models

誘惑香檳色調

論同門轎跑，我夠知 135iA無敵，但於我呢類中產以下嘅打工一族，入場費太高喇，而對同門揭背車又唔多啱 Feel， 120iA可以話係投身 BMW最佳門檻。唔計名牌效應，齋睇 BMW個家族車款，以及曲折骨線，極有 135iA嘅吸引力，加上近似香檳色般嘅車身噴漆，已勝過一街都係嘅「黑白銀」，遊車河時心情都舒暢啲。 120iA引擎輸出係低啲，但 156匹喺香港已經夠揸有突，最緊要車價抵玩，以 31萬多啲就買到架寶馬四座、尾轆轎跑計，唔好話同大哥 135iA比，就算其他廠牌，亦已經揮低好多同級車款，對打工仔都唔算係一種大負擔。

放大圖片
■真皮內櫳再加電控座椅，入門級嚟講算齊料。

■真皮內櫳再加電控座椅，入門級嚟講算齊料。

放大圖片
■雖屬最入門引擎，但 156匹上大斜路已綽綽有餘。

■雖屬最入門引擎，但 156匹上大斜路已綽綽有餘。

放大圖片
■車身重量分佈得好，減低入彎時過度重心轉移。

■車身重量分佈得好，減低入彎時過度重心轉移。

放大圖片
■ 1系操控及路面感極佳，最啱女仔作代步車。

■ 1系操控及路面感極佳，最啱女仔作代步車。

放大圖片
■ 16吋胎軨唔夠霸氣，但相對較慳油，實際行先。

■ 16吋胎軨唔夠霸氣，但相對較慳油，實際行先。

放大圖片
■配備自動波 Sport模式，再激啲可以玩埋+/-波。

■配備自動波 Sport模式，再激啲可以玩埋+/-波。

放大圖片
■後座空間不過不失，勝在車頂夠高無侷促感。

■後座空間不過不失，勝在車頂夠高無侷促感。

放大圖片
■側鏡唔算圓亦唔係方，偏偏視覺上出奇地好看。

■側鏡唔算圓亦唔係方，偏偏視覺上出奇地好看。

頭段柔順中尾段發力放大圖片
■有別揭背版， Coupe款凸番個尾出嚟，斯文成熟得多。

■有別揭背版， Coupe款凸番個尾出嚟，斯文成熟得多。

大清來回實地試揸一輪，軚感及路面感的確好 Firm好清晰，直路起圍或者唔及一眾行直六偈嘅 1系，不過頭段加速都幾線性，好順咁上到 4、 5波，對飛仔車抗拒人士一定啱 Feel。去到中尾段已超越 2,000cc表現，一般揸法根本毋須再狠踩油門，就算上斜一樣柔順有力， Fit晒代步、遊車河。馬力嘅嘢，唔使下下都以 135iA嚟做指標嘅， 156匹「淺嘗」一下速度感已經好夠，真係要爆嘅，亦可啪落 Sport Mode或玩+/-波都得。最重要係 BMW出名操控好，過彎時有着 1系靈活特性，相信連女仔都輕鬆舞得掂。車款靚仔、馬力足夠，內櫳亦一絲不苟，金屬襯皮充滿豪華美感，唔會有一般入門車嘅膠感弊病。雙門車款上落後座係麻煩啲，好在尾排空間尚算 OK，最緊要唔頂頭，全車四個人都坐得舒舒服服。

放大圖片
■家族式車頭設計已夠吸引，下方擾流及霧燈位更值一讚。