我唔可以唔拍拖！（設計對白）
換畫
陳冠希楊永晴分手 即上寇鴻萍細女
2010年06月24日
陳冠希（ Edison）日前回港撐農夫演唱會，又為旗下公司 CLOT在中環舉行六周年派對，家人及老友陳奕迅拖老婆徐濠縈出席，但就未見女友楊永晴（ Vincy）。
女友冇影，陳冠希支吾以對冇正面回答。據了解，楊永晴在數月前跟陳冠希正式分手，但 Edison即有新目標，狂發短訊力追寇鴻萍十八歲細女唐貝欣（ Fiona）。
扮冇事
陳冠希跟楊永晴拍拖三年，淫照風波後，男方形象事業直插水，女友對他依然不離不棄，去年二人多次傳出分手消息，不過都被陳冠希極力否認。
男方扮冇事，但其實楊永晴三個月前已主動提出分手，只是二人有共識，不會對外公開承認情變。
「嗰件事（淫照）發生之後， Vincy同 Edison都撐得好辛苦，兩個人分開過又復合，拖拖拉拉成年，終於都係決定分開；加上 Edison嚟緊都唔會長時間留喺美國，分隔異地，感情更加難維繫。 Vincy同 Edison傾好晒，唔會向外認分手，因為 Vincy唔想影响對方事業，不過 Edison身邊朋友都知道佢哋經已冇咗。」陳冠希身邊人說。
我哋好開心呀！（設計對白）
係我唔要佢啫！（設計對白）
狂發短訊
上週六（六月十九日）公司六周年派對，當問到有否通知女友開張一事，陳冠希轉移視線，反問記者：「你哋下晝會唔會 SMS男朋友 o架？」刻意誤導記者二人有交流。
一雞死一雞鳴，陳冠希早前在朋友的派對中遇上在英國讀書，返港放暑假的寇鴻萍細女唐貝欣，雙方更極速搭上；唐貝欣上週六便撇甩媽咪，單拖出席男友公司派對，但向來對記者有求必應的她，卻一反常態，未有停低影相接受訪問，一支箭直衝入會場。
「 Edison近排狂發短訊俾 Fiona，全部都係啲好 sweet嘅說話，唔係好掛住佢，就係好想見到佢，又話希望佢每日都遇到開心事，仲試過每日 send廿幾三十個短訊，氹到 Fiona好開心。佢哋兩個好得好緊要， Fiona會去酒店探 Edison，不過多數都係一個人去。」唐貝欣身邊人透露。
今個月初， Edison特登飛香港撐農夫紅館演唱會，身為基督徒的他，更破例裝香拜神，又上台表演，出心出力。
四月，楊永晴嫲嫲病逝，身在美國的她，飛返香港出席喪禮，但未有回應跟 Edison戀情。
唐貝欣、唐貝詩兩姊妹，每逢假期必定回港，孖住媽咪寇鴻萍出席活動賺零用錢，今年復活節假期，三人行又再現身鞋店活動。
去年八月，唐貝欣跟家姐唐貝詩搞慈善 Ball，打扮成熟的她著上低胸吊帶裙，大騷身材。
豪放番鬼妹
現年十八歲的唐貝欣（ Fiona），是寇鴻萍與前夫唐基華所生的細女。十二歲赴英留學，就讀 School of Oriental and African Studies University of London（ S.O.A.S.），主修 International Management of China。越大越豪放的 Fiona，經常以性感打扮與家姐唐貝詩孖住夜蒲，去年 7月，她被踢爆與何超盈緋聞男友之一「翻版李準基」之稱的 Edwin於蘭桂坊火辣濕吻。另外，好想做模特兒的 Fiona經常拍住母親亮相 ball場，亦曾於 07年亞洲遊戲展中，與 Angelababy同台行騷，對娛樂圈亦非常熱衷。
陳冠希楊永晴被爆分手 立即狂追18歲小女生
傳陳冠希與女友楊永晴分手，但Edison立即狂追18歲的唐貝欣
陳冠希(Edison)日前回港力撐農夫演唱會又爲旗下公司CLOT在中環舉行6周年派對，家人及老友陳奕迅帶老婆徐濠萦出席，但就沒有見到女友楊永晴。
女友不出席，陳冠希支捂以對沒有正面回答。據了解，楊永晴在數月前跟陳冠希正式分手，但陳冠希馬上即有新目標觀狂發短信力追寇鴻萍18歲小女兒唐貝欣（Fiona）。
留言列表
{{ article.title }}
