5呎 11 Caroline擁有 32F上圍，樣似劉心悠不過身材更加 good fit，最緊要係濕身解帶一埋位就自動波，好少港女咁自動。
鶴立雞群
最高胸模解帶搶食 Caroline：班 o靚模似粒骰
2010年06月23日
o靚模競爭勁，件件要快要新鮮，好多連名都未知就出寫真，要跑出？難過世界盃英格蘭攞 3分。
叫得做 o靚模當然先天身高有缺陷上唔到天橋，最近 Rainbow（胡心諾）師妹，有翻版劉心悠的朱裕琳（ Caroline）就乘虛加入戰團，身高 5呎 11、 43吋長腿加 32F上圍，雖然 made in China，但解 bra真空上陣濕濕碎， Caroline更辣火頭：「佢哋（其他 o靚模）似粒骰，高度真係差好遠！」開戰喇喂！
鶴立雞群
《蘋果日報》圖片
與同門合拍寫真， Caroline（左一）高成班 Donut成員成個頭，其實 Donut班女平均都有 5呎 3唔算太矮，係 Caroline高啫！
左起
Caroline 5呎 11
Ar Yu 5呎 4
Rainbow 5呎 3吋半
Irene 5呎 4
Vilian 5呎 3吋半
Sweet 5呎 5
有翻版劉心悠之稱嘅 22歲 Caroline，原籍河南，身高 5呎 11更喺國內行咗多年 catwalk，去年更代表中國到法國羅浮宮參加 L'oreal展覽做 model，見過大場面係堅模。
Yumi掛住溝仔形象差，搞到 Dr. Renew老細要換人，據知本來纖體公司都想搵浸大 E神 Carol，但後來公司老細嫌佢上圍太勁唔自然，所以最終揀咗均勻 Caroline。
半日搞掂
Caroline自稱六位數字踢走 Yumi（下圖），但廣告商只用 7粒鐘完成所有 shot，飄逸秀髮同水花都係人手揸風筒同潑水搞掂。
新紮胸模爭霸戰
32F高胸轟炸 Caroline 22歲
Caroline 43吋腳長夠高又大咪，同天氣妹黃婉曼一樣係上圍 32F，但望落修長完全符合人體黃金比例。
舊年胸模代表周秀娜睇得多開始冇新意，好在今年大把波妹排住隊爭咪后寶座，胸圍數字尾冇 F都起碼要 E，電車仔唔記名都起碼記得個上圍代號，神奇過達文西密碼。
o靚模賣胸好平常，但堅模搏到咁盡就係異數，今鋪來港挑戰 o靚模，全因國內市場大但競爭仲大。
「除晒好正常」
Caroline說：「我呢類身高喺內地大把，內地根本冇 o靚模，佢哋（ o靚模）身高真係唔夠囉，佢哋似粒骰咁得嗰 5呎 3、 4，不過呢啲係天生嘅，既然香港冇我呢類模特兒，所以咪過嚟試吓囉！」 Caroline加入 Rainbow公司做佢師妹，來港頭炮就拍住其餘 4位 o靚模推出性感寫真，見佢 32F澎湃上圍超突出、 Caroline話解帶濕身好碎料，她說：「我讀廣州體育學院模特兒管理科時，後台企滿人都照換衫，行 catwalk男女 model都會咁，除晒好正常，我哋專業，唔會心邪！」
除與師姐妹合拍寫真， Caroline最近更成功踢走 Yumi（尹蓁晞）做纖體公司 Dr. Renew新代言人，據知纖體公司見 Yumi同男友去時鐘酒店爆房負面新聞多，即使 Yumi未約滿已急急換馬， Dr. Renew老闆 Ivan亦表示：「 Yumi唔係我哋代言人啦，我揀 Caroline係因為知道佢喺國內有好多 model經驗，加上人夠高，同普通 o靚模好唔同，所以先揀佢！」先天有優勢，北妹隨時砌低港女！
33E 5呎 4 純情巨咪 DaDa 21歲
百果園 DaDa（陳靜）清純 look轉玩性感，啱晒宅男幻想慾望，有指佢上圍由 A變 33E涉僭建，但有醫生關嘉美驗證係堅咪，吸引度大增。
34E 5呎 4 血管極品 Carol 21歲
浸大 E神 Carol上圍 34E大得嚟唔夠堅挺，雖則係天然胸但就唔夠美感，好在佢胸前皮膚薄到現血管，血管乳叫有噱頭。
MK民意撐 DaDa
電車男 Peter堅撐百果園 E神 DaDa，週一本刊直踩旺角問一眾宅男會撐邊個，估唔到大部分都係鍾情 DaDa， Chrissie要保住女神 No.1真係要跑多步喎。
電車男 Peter 26歲
「我最鍾意 DaDa，佢好 sweet，佢出寫真一定買！」
周生 16歲
「 DaDa好搏，身材好均勻，人氣直迫 Chrissie，不過 DaDa新鮮好多！」
劉生 19歲
「 DaDa好 cute，笑得好甜， Chrissie出得太多有啲悶，不過兩個都好身材。」
留言列表
{{ article.title }}
