11號 李文煊 平胸
皮膚又白又跣手，雖貌似湯唯有着數，但上圍就冇幾両肉。 E
食唔落
外景偷拍 素顏港姐 印度黑豚
2010年06月23日
今屆港姐遠赴印度拍外景，更有 2名大隻猛男羅仲謙及馬國明貼身戥場，應該有睇頭。
9日印度之旅，兩套三點式環節先後登場，其中周日壓軸的白色比堅尼加埋 TVB專人化妝執靚樣，佳麗個個狀態大勇；可惜連日外景再加 40度高溫，唔捱殘至奇。至週一（ 21日）晨早，本刊突擊偷拍，各佳麗的素顏真面目終於現形。
憑 34D成頂頭大熱的翻版鍾麗淇 8號彭慧中，四眼妹 look似足師奶； 13號陳庭欣面黃又憔悴，個個佳麗連日曝曬，搞到黑豚咁樣，只有的骰湯唯之稱、被傳內定冠軍的 11號李文煊勝在皮膚勝雪，素顏 look一樣見得人，可惜日日只瞓得 2粒鐘，搞到人中位勁爆瘡，睇嚟返港後，要勤力敷 mask喇！
13號 陳庭欣 均勻
皮膚白皙身材均勻，加上馬明都睇好佢，有機入三甲。 G
9號 李雪瑩 骨排
身材嬌小嘅李雪瑩，雖然肌肉結實有胸肌同腹肌，但瘦到皮包骨，都幾趕客。 B
1號 馬鈞怡 大方
外表大方，入選以來，冇負面新聞，又冇是非，係親善小姐最佳人選。 A
8號 彭慧中 巨乳
貌似鍾麗淇，加上 34D上圍有料到，突圍即為頂頭大熱。 C
2號 張莉莎 執到靚
同莊思明相反，有傳大執過嘅張莉莎睇落有胸有腰，後天加工係着數啲。 D
5號 莊思明 粗腰
身為長腿模莊思敏細妹嘅佢，上圍均勻但條粗腰都幾礙眼。 F
翻版湯唯李文煊護照上的證件相，眉清目秀，真係有啲似湯唯咁有氣質。
嚇鬼配對
候選港姐佳麗平時出鏡就鬼咁省鏡，但真面目，你哋未必見過，化咗妝同素顏樣簡直兩個人。咁！睇吓你哋認得出邊幾個啦！
交叉可樂
被傳斷背的莊思明（中），明知有記者影相亦不避嫌，先接過張莉莎（右）罐可樂大啖飲。
飲完又傳畀林碧珍（左）再飲，有指當日莊思明仲發緊燒， 1罐可樂 3份飲唔怕交叉傳染咩？
萬能莊思明
港姐今年是非多，要數莊思敏細妹 5號莊思明，最近被踢爆她跟在灣仔開設 les吧「 No.2」老闆娘李詩藍，搞 les兼同居，親密照曝光後，斷背情傳見光死。
本刊收到風，話跟莊思明黐埋 5年的李詩藍，曾與一名空姐拍拖，遇上富家女莊思明後，即狠飛前度，雖則 2條 Queen打得火熱，但因莊父母唔多 like出身草根周身冇銀的李詩藍靠黐，故下令嚴禁阿女帶李詩藍返山頂豪宅。知情者爆料：「其實莊思明係 bi o架，男又得女又得，仲成日出去溝仔，但每次詩藍都氹得番佢！」
上週到印度拍外景，莊思明不避嫌同班港姐糖黐豆，更扮啜嘴影合照。被問到佢同李詩藍的緋聞，佢苦晒口面話：「我鍾意男仔 o架，我覺得個 friend俾人屈好慘，家 4號文凱玲同 6號林碧珍都笑我話溝佢哋，真係冤枉呀！」
之後莊思明更與張莉莎（右）再玩啜嘴，好有 les feel喎！
莊思明即使同 TB李詩藍（右）搞埋，又唔戒食仔，都幾雜食吓。《壹週刊》圖片
巨胸謙胸贏
15位港姐雖然穿上性感 bikini，但除咗 3號張藝婷、 8號彭慧中、和 15號張秀文身材驕人外，其餘佳麗身材平庸，一係零波、一係暴瘦見骨，冇啲線條美，反而企正中嘅大隻謙仲大胸添喎！
左起
陪跑 1號 黃安琪 24歲
2號 張莉莎 24歲
3號 張藝婷 21歲
4號 文凱玲 27歲
黑馬 5號 莊思明 23歲
6號 林碧珍 23歲
陪跑 7號 何樂翩 23歲
次熱 8號 彭慧中 20歲
右起
黑馬 15號 張秀文 22歲
14號 李俍嬿 25歲
次熱 13號 陳庭欣 22歲
黑馬 12號 湯寶珍 24歲
大熱 11號 李文煊 22歲
陪跑 10號 馬鈞怡 24歲
9號 李雪瑩 24歲
冧死馬明
港姐印度外景之旅，除咗 15位佳麗展開泳衣戰， TVB 2位猛男羅仲謙與馬國明亦一齊孖住班港姐同陽光玩遊戲，巨胸謙未到埗，馬國明一早背熟晒 15位佳麗英文名，更不時問班港姐攰唔攰，而馬明亦經常自動波埋班港姐身合照，問到馬明嘅心水人選，佢大讚 13號陳庭欣（ Toby）：「我同 Toby傾過偈，佢性格好 sweet、皮膚好白淨，我睇好佢 o架！」被馬明喪讚，陳庭欣就怕醜妹上身：「多謝佢咁有眼光囉！」隨後換上泳衣大晒 C Cup身材嘅陳庭欣，連巨胸謙都忍唔住隔住黑超喪，兩男都吼，難怪升為大熱門啦！
換上 bikini， 13號陳庭欣即憑 C Cup身材及甜美樣貌躍升為大熱。
馬國明點名讚：佢係我心水佳麗 真實對白
佢讚我白淨 真實對白
巨胸謙偷
巨咪三人組之一嘅 13號陳庭欣拍泳裝時，戴住黑超嘅羅仲謙突然坐直身偷。
落選 Barbie
撩簽周秀娜經理人
因一句：「我贏咗冠軍先講你知！」而被起朵為「寸嘴 Barbie」嘅廖祉甯，因複試時出言頂撞樂易玲，慘被叮出局。
一心諗住入娛圈嘅寸嘴 Barbie，依然咬住唔放，上週五晚（ 18日）本刊於尖沙咀撞到她約埋 Chrissie經理人 Roy傾密偈， 30分鐘茶聚只見 Barbie一直留心聆聽 Roy講話，並冇「寸嘴」。本刊致電 Barbie，佢就謙虛咁話：「其實係我主動約阿 Roy，我一直想入娛樂圈，阿 Roy好細心同我分析呢行嘅發展，仲叫我提防呢行好多唔好嘅經理人，我覺得佢好友善，如佢簽我，我一定唔 say no囉！」咁識講嘢，睇嚟佢大有機會做 Chrissie師妹喎！
去年幫 Chrissie出噴血寫真令 Chrissie成為吸金咪神嘅阿 Roy，未知會否再點石成金，捧紅 Barbie呢？
選港姐前，已豁出去拍過半裸照嘅 Barbie，望做 Chrissie師妹。
Barbie失意港姐，但誓要做 model。阿 Roy係咪會簽 Barbie，佢話：「睇定啲先！」
留言列表
{{ article.title }}
