跳躍變幻球
著住比堅尼 bra top跳住唱，周秀娜動感十足。
同你吟一吟
周秀娜肉挺世界盃
2010年06月17日
世界盃效應：啤酒品牌股價， cable用戶數字，當然仲有南非陀槍保安日薪，全部向上颷升。
商機處處，一班賣心口嘅 o靚模，日日唔同場四出宣傳四年一度盛事。上星期五（六月十一日），周秀娜比堅尼 bra top加超短熱褲打扮，率領同公司嘅新 8模現身奧海城，晒住 32D心口勁歌熱舞，夠晒動感。
露肉搶客唔係專利，鍾意睇波講波踢波嘅，一樣有得撈！同一日，李克勤同陳七（陳肇麒）亦一齊喺荃灣為世界盃造勢，堂堂男子當然唔使唧心口肉，係咁意晒一兩吓腳法，又袋一筆。
見肉唔見肉，各有客路，總之有錢搵，搵得就搵。
見波執波
同大會主辦一齊主持開球禮，周秀娜無厘頭低執波，為大家製造美好一刻！
有師姐周秀娜帶挈嘅新 8模，擺 pose影大合照，點知散晒！
李克勤同正牌足球員陳肇麒一齊出席世界盃活動，兩個一齊出腳，邊個腳頭好啲，睇波就知。
咦，克勤呢吓似打保齡多啲喎！
話晒係港隊福將，陳七控球當然有番咁上下。
表演完落台，周秀娜即刻封胸，啱嘅，係又露唔係又露，你唔厭我厭！
全站熱搜
留言列表
{{ article.title }}
