Lisa S. 林嘉綺　齊齊陀B女 Lisa S. 谷定兩Cup 餵囡囡－娛樂八掛大放送★

Lisa S. 林嘉綺　齊齊陀B女 Lisa S. 谷定兩Cup 餵囡囡

【今日我至頂】Lisa S.（左）同林嘉綺一見面就嚟一招肚頂肚，好彩佢哋個肚都唔係咁大，否則可能攬唔埋。

吳彥祖（Daniel）混血太太Lisa S.與台灣名模林嘉綺兩位準媽咪，昨晚齊齊現身LV活動，二人以肚頂肚宣佈腹中都是B女。Lisa笑言吳彥祖已興奮幻想女兒長大帶男友返屋企見家長的場面，十分搞笑。百無禁忌的Lisa穿了五吋高跟鞋赴會，笑言懷孕三個月的BB已令她肥了10公斤，當中最受惠是胸及臀部。

剛宣佈有喜三個月的Lisa S.前晚現身金鐘，出席法國名牌LV新店開幕活動，同場還有專程由台灣來港、懷有五個月身孕的林嘉綺及隋棠，台灣型男高以翔就伴着國際超模Carmen Kass為剪綵嘉賓。兩位準媽媽一碰面表現興奮，二人齊齊肚頂肚打招呼。Lisa一向鬼妹仔，百無禁忌穿上五吋高跟鞋，而林嘉綺則穿上低胸裙，不過就乖乖以平底鞋示人。

唔介意再追仔

Lisa S.心情興奮大談BB經：「家好開心，終於唔使俾人問點解肥咗，重咗10公斤，肥晒喺胸同臀部。噚日照咗，BB係女，Daniel已經幻想個女大咗帶男朋友返屋企嘅情境。」問到她會否再追B仔幫Daniel傳宗接代，她表示：「自己唔介意，唔會有壓力追仔，好開心有第一個BB，會再努力。」
Lisa表示會在香港待產，尚未決定順產或開刀，她的母親及吳彥祖的母親都紛紛表示要返港幫手湊B。問到前度男友艾德烈邦迪會否知道她懷孕消息，她笑言：「我哋15年冇見。」

■台灣型男高以翔陪着國際超模Carmen Kass出現，望落很相襯。

■隋棠以鮮黃連身裙亮相，十分醒目。培養愛女行騷

此外，林嘉綺表示這是產前最後一個工作，之後會返美國待產，她笑言B女愛跳舞：「她一聽到MJ就會跳，個BB五個月大，知道係女好開心，我的LV包包後繼有人，我的包包與高跟鞋都會留給女兒。我想她將來做模特兒，因為自己喜愛做模特兒的樂趣。」問到她會順產定開刀，她表示：「美國多靠自己力氣，已安排課程。」
採訪：盧妹
攝影：黃文偉

Lisa S.胸大兩個碼：應該夠餵

恭喜！恭喜！兩位懷孕名模Lisa S.及台灣的林嘉綺出席活動同時宣布懷有千金，兩位模特兒的衣鉢後繼有人。懷孕三個月的Lisa S.非常貪靚，穿上5吋高踭鞋，她笑言有喜後胸部升Cup，應該可餵人奶。

Lisa S.（右）與林嘉綺一齊宣布佗女，可喜可賀。

Lisa S.、林嘉綺、高以翔及國際名模Carmen Kass、趙式芝、楊如芯及蔣怡等昨晚出席公開活動，穿上5吋高踭鞋的Lisa S.宣布肚中是B女，她笑言老公吳彥祖想起將來女兒帶男友回家的情形就好驚，怕會打架。她又稱就算生仔都一樣開心：「我希望教好個女，唔好似我，因為我細個好曳。（但唔係生仔，會唔會有壓力？）之後可以再試。」

在港生女

問將來會否餵人奶？Lisa笑言3個月重了16公斤：「我個胸大咗兩個碼，肥喺胸同Pat Pat度，應該夠餵人奶。（開刀定順產？）未知，兩樣都驚，要搵定資料。」她又透露將會在香港生女，待女兒讀書就回美國。問到前男友艾哲倫保迪（Adrien Brody）有否恭賀她？Lisa坦言已15年沒與對方聯絡。

趙式芝（左）與楊如芯結伴出席活動。

蔣怡與男友翁狄森有講有笑，打情罵俏。
約埋行騷

懷孕5個月的林嘉綺亦自爆懷有B女，很開心自己的名牌產品後繼有人。她希望女兒與Lisa女兒能成為好友，長大後一齊做模特兒行騷，所以會胎教美麗的事物。她直言今次是產前最後一個工作，之後回美國待產，四月底為預產期。

另外，之前忙於在杭州拍戲的高以翔首次與國際名模Carmen Kass見面，大讚女方有氣質。高以翔透露只留香港一日，今天會返台灣：「之前去荷里活拍電影做武士，冇着褲又要畫眼線，又要搽指甲油，好狂野。」

Lisa S.谷定兩Cup餵囡囡

與吳彥祖結婚兩年的Lisa S.日前宣布造人成功，報喜後首次出席活動，並透露腹中BB是女兒，笑言老公擔心將來會與囡囡男友大打出手。與她同場的林嘉綺亦自爆佗BB女，希望女兒長大後與Lisa囡囡一起行騷！

香港名模Lisa S.、台模林嘉綺與高以翔等昨日出席時裝活動，兩位準媽媽甫見面即熱情攬攬「肚撞肚」！穿上鬆身裙的Lisa S.照着五吋高踭鞋，受訪時獲傳媒祝賀，心情靚靚地透露腹中寶寶是BB女：「Daniel（老公吳彥祖）好擔心第日個女帶男友返嚟，可能會打起上嚟！」她自言不介意BB性別：「生女好啲，自己係女仔可以了解多啲。（中國傳統認為生仔傳宗接代，有冇壓力？）冇！生仔生女一樣開心，遲啲可以再試多次！」

名牌珍藏後繼有人

Lisa還自爆將布置BB房及買定嬰兒服裝，現時已有點緊張，希望能教好BB：「希望唔好似我細個咁曳！」問到前男友艾哲倫保迪（Adrien Brody）可有祝賀？Lisa說：「超過十五年冇見！可能唔知我有咗添！」她又指母親與奶奶希望來照顧她，令她非常高興：「我會喺香港生，醫療好，但未知順產定開刀，兩樣都驚，但醫生話我高容易生。」她希望能餵哺母乳，提到會否平胸比較難？她即自爆三個月重了16公斤：「大咗兩個碼，肥喺胸同Pat Pat！」

至於懷孕五個月的林嘉綺反而小心翼翼穿平底鞋，問到BB性別，她初時只稱名牌產品後繼有人，其後終認懷BB女。她又指近五個月周圍飛：「畀BB女見識吓Party！（畀佢入娛樂圈？）睇佢鍾唔鍾意，都希望佢做模特兒着靚衫！（老公鍾唔鍾意B女？）話佢想要咩都買畀佢，我呷醋！」返美國待產的她透露預產期為明年四月底：「美國人會靠自己氣力生！（餵人奶？）希望我有足夠『糧食』！」她還笑言將來女兒與Lisa的女兒能成為好友，一起當模特兒行騷。

高以翔則激讚同場的名模Carmen Kass有氣質：「好欣賞佢！（同外國人拍過拖？）之前喺加拿大讀書時試過！（依家想同中國人定外國人拍拖？）睇個性！唔理咩國籍，人好就欣賞。」他又透露早前拍攝荷里活電影演武士，角色狂野冇着褲！

另外，藝人林嘉欣昨日穿上黑色鬆身裙出席慈善活動，孕味甚濃，但她解釋因支持設計師朋友的作品才穿着該裙。問到是否未夠三個月怕BB小器？她說：「你話呢！唔知呀？我努力緊啦！但有同老公講如果到年底未得我就開工。」

名人組