當日羅天宇全程開解選美輸 咗 嘅細佬羅駿宇，並與契爺洪羅拔商量點幫細佬搵出路。
苟芸慧男友、○八年亞男冠軍羅天宇，其弟羅駿宇早前落選亞洲先生後，他便以過來人經驗，鋪橋搭路薦胞弟入無 綫。
現年只有二十五歲的羅天宇，生得一臉幼氣，實則思想成熟，還將十八歲親弟前途攬上身，能夠成功俘虜宅男女神苟芸慧，不無原因。
反對簽亞視
上週三（十一月二十八日），羅天宇在其母於西貢開設的「金喜」茶餐廳，與契爺洪羅拔，一同開解細佬羅駿宇。在《愛•回家》飾演細路仔「馬子仁」羅天宇，雖然只得廿五歲，但在單親家庭長大的他，教細佬如教仔一樣，對因為在「亞男」大熱倒灶而悶悶不樂的羅駿宇，長篇大論。
「使乜失望 啫，塞翁失馬，焉知非福！俾你參加只為吸收經驗，你表現亦中規中矩，已經盡力交到功課。」
亞視出身的契爺洪羅拔，亦幫口說：「咪係，真係塞翁失馬！」時近黃昏，茶餐廳差不多夠鐘關門，見只得一 枱客，羅天宇訓話，聲浪無避忌。
當有意入娛圈的羅駿宇問應否簽亞視時，羅天宇一聽即皺晒眉，洪羅拔更加第一時間表態反對：「梗係唔好啦！」
鋪路做主持
今屆「亞洲先生」冠軍朱曉輝被踢爆與陳冠希父親、陳澤民撐 枱腳的密友關係，再揭發他過期居留而遭遣返，加上亞視近日為發牌照示威搞出大頭佛兼破紀錄四節目零收視，羅天宇當然會認為親弟揀亞視並非上選。事實上，有指他早已搭定路帶埋羅駿宇入無 綫，但考慮到凡事留三分，他提議細佬先過冷河，並幫他搭路在內地電視台做主持。
「你唔使擔心，契爺已經幫你傾好一本時裝雜誌做 cover model，之後為內地一個飲食節目做主持，吸收吓經驗，我再幫你安排。」連工都搵定，羅駿宇亦只有言聽計從。之後聽見細佬說想學唱歌，羅天宇十分支持：「好呀！你想學我陪你一齊學！」果然係廿四孝大佬。
選美兄弟
女神殺手
現年 25歲的羅天宇，中學畢業由澳洲返港， 08年以拉丁舞突圍奪得香港先生少年組冠軍，由於同屆盛年組朱允崇返美讀書唔玩，羅天宇成為無綫力捧對象，接拍劇集《四葉草》。先後跟天使妹 Coffee、 Da Da傳過緋聞，去年被踢爆跟宅男女神苟芸慧撻着，不過公開戀情未幾即低調分手。
贏網民心
只得 18歲的羅駿宇，過 6呎高的大隻身形，令他連續 6星期在亞洲先生網上人氣榜得到第一位。雖然最終落選，但因參選時泳裝 look，下體雄風激凸，給網民賜他「神鵰大俠」稱號。屬運動健將的他， 11歲打 Golf已打到九個洞的技術。 
留言列表
{{ article.title }}
