娛樂八掛大放送★

陳國邦 上位 風頭 直逼 黎耀祥

無綫藝人陳國邦最近憑「彭三順」一角而人氣急升，更順利入圍「最佳男配角」，人氣直逼主角黎耀祥！雖然事業發展順利，不過最開心當然是囡囡在上月的誕生，而充滿父愛的陳國邦更笑言經常與囡囡錫錫。

陳國邦憑台慶劇《大太監》中的彭三順而極速彈起，更被網民力捧為「最佳男配角」。

無綫藝人陳國邦入行23年，最近終憑熱播劇集《大太監》彈出，其飾演的陰險太監「彭三順」更成為觀眾追看的焦點所在，而討論區中網民更密密開post盛讚其演技，更形容是今屆台慶「最佳男配角」的大熱之選，人氣直逼主角黎耀祥！

有女萬事足

面對突如其來的肯定，陳國邦說：「如果係啱啱入行嘅我，會好恨攞獎，但經過咁多年嘅人生經驗，明白喺娛樂圈太多嘢控制唔到！擔心嘅應該係控制到嘅嘢，例如提醒自己邊度做得未夠好，即使依家我都會集集追《大太監》去檢討演技！」

陳國邦演技爐火純青，劇中角色人氣直逼祥仔！

陳國邦談演戲一臉認真，一提到太太羅敏莊（Mimi）上月為他誕下的囡囡陳禛時，他也不禁打從心底笑出來，更說：「當個女第一聲喊嘅時候，我感受到我哋個家重咗，仲唔係話Heavy嗰種重，而係凝聚力量重咗！」慈父上身的他更笑說經常與囡囡錫錫：「陳禛個嘴好細好得意，我成日都會錫佢，老婆同過我講，佢最鍾意就係睇到我抱住個女！」

文：專案組

攝：秦健輝